Thursday, May 27, 2010

ဗုီလုႝဂြံစြံစုိတ္ လၲဴေပဲါ႐ုဲမာဲ (၂၀၁၀) ဏံေရာ

နာဲမာန္
ဂိတုေမ ၂၇၊ ၂၀၁၀

အလုႝအသ႘ပှာန္ ကႜိဳက္ပ္တုဲေကၜာန္ကုႝေပဲါ႐ုဲမာဲ ပႜဲသှာံဏံတြဳႝေရာင္ဟုီဂွ္ ဒုႝတၛဲဏံ အခိင္လုႝ တၛဲလုႝ ေကၜာန္ဗဒွ္ကုႝဂွ္ ဟြံတီသဿးဟြံက အပႜဲဂေကာံေဗာ္ပေရင္ဍဳင္ကြာန္တအ္ကုီ အပႜဲဂေကာံဒပ္ရပ္လြဟ္ ေကာန္ဂကူတအ္ကုီ လညာတ္အပႜဲသဿာပေရင္ဍဳင္ကြာန္တအ္ကုီ လညာတ္ညံင္ဂြံပၚထၠးဂွ္ အလုႝအသ႘ဖန္ဗဒွ္ ေကတ္ဒဿံင္အခိင္ရ။

ဗုီကုႝ ကႜိဳပ္သၠိဳပ္ အပႜဲဂေကာံေဗာ္ပေရင္ဍဳင္ကြာန္တအ္ လညာတ္ပၚထၠးဂွ္ အပႜဲညးဍဳင္ကြာန္တအ္ေလဝ္ ဒဒွ္ရလညာတ္ပၚထၠးႏံြဒဿံင္ဂွ္ ညးမခ်ဴဇန္လိက္ပေရင္ဏံ ၐုိတ္သၛ႘ဂၜိပ္ဂြံ ပၲိဳန္ထၞးကုႝေရာင္။

စပ္ကုႝ ပေရင္ေပဲါ႐ုဲမာဲတုဲ လညာတ္ပၚႏြံဒဿံင္ (၄) ကဆံင္ (၄) ကြပ္ သၛ႘ဂၜိပ္ဂြံရ။ ဗုီကဆံင္ပၚထၠးဂွ္ ဒးပၲိဳန္ ထၞးမၢး-
(က) ဟြံေစွ္စုိတ္တုဲဆက္ဒစုႝဒစး။
(ခ) ၐုိတ္ဂြံၐုိတ္ေကတ္ ပံက္ေဗာ္ပေရင္ဍဳင္ကြာန္တုဲ လုပ္ေပဲါ႐ုဲမာဲ။
(ဂ) ဗၠပ္ဗေဗင္ ဟြံအာ႐ုင္မာဲ/ဟြံအာစုတ္မာဲ။
(ဃ) မင္လၛတ္ မင္ရံင္ သြက္ဂြံပၲိဳန္ထၞးကုႝညးဍဳင္ကြာန္/ဂေကာံဂၜးကဝ္။

(က) ဟြံေစွ္စုိတ္တုဲဆက္ဒစုႝဒစး။

ေဗာ္ပေရင္ဍဳင္ကြာန္တအ္ဗြဲမဂၜိဳင္ ႏူကုႝသၸဒတန္လဝ္ ေသှာဝ္ဥပေဒသၨိဳင္ (၂၀၀၈) ေတံရ သၸလဝ္ ဒတန္ေသှာဝ္ဂွ္ ဟြံေစွ္ကုႝသဘဵဓဝ္ဍာံတုဲ ညံင္ဂြံကေလင္သၛ႘ဂၜိပ္ကုႝ ညံင္ဂြံကေလင္ပေဠဝ္ကုႝဂွ္ အာတ္ မိက္ကၜဳင္ ထပ္ကုႝထပ္ကုီေလဝ္ အလုႝအသ႘ပှာန္ဟြံပကာရ။
ကၜာတဲ စႏူဂေကာံေဗာ္ပေရင္ဍဳင္ကြာန္ ဇှးလဝ္မာဲ ၾသဇာသၜဳင္အုိတ္ ဂေကာံ (NLD) ေလဝ္ ကၜာေသှာဝ္ေပဲါ႐ုဲမာဲဟြံတိတ္ဏီဂွ္ မင္ရံင္တုဲ လုပ္ကုီ တိတ္ကုီ ခၞမ္လဝ္ဍာ္ မုဟြံဟုီပၲိတ္ရ။ ႀကဵဏံ ေသှာဝ္ေပဲါ႐ုဲမာဲတိတ္ကၜဳင္တုဲဂွ္ သြက္ေဗာ္ပေရင္ဍဳင္ကြာန္တအ္ ေတင္ျဂတ္ေလာန္ ညာတ္တုဲ ပၲဝ္အာဂၜံင္ လၸာ္ဒစုႝဒစးပုိတ္တ္ရ။

ဂေကာံပေရင္ဍဳင္ကြာန္ေကာန္ဂကူတအ္ေလဝ္ သာ္ဂွ္ကုီရ ဂေကာံပေရင္ဍဳင္ကြာန္ မှဳံကုႝၾသဇာ ေဗာ္မန္မၢး ေဗာ္ဍဳင္မန္တဿိကုႝ ေဗာ္ဒ႘မဝ္ကေရၿဇ႘ေကာန္ဂကူမန္ ၐါေဗာ္ဂွ္ ဆက္ဒတူလုိင္အာ ဂၜံင္ဒစုႝဒစးပုိတ္တ္ကုီရ။ ဆဂွ္ဟြံက ဂေကာံပေရင္ဍဳင္ကြာန္မန္ ဒက္ပၲန္လဝ္တဿိ ကာလတၛဲ စဿတ္သမၲီ ေဒံါပန္ေပွာ္ ေဗာ္ဍဳင္မန္တဿိေပင္ (၁၄) သှာံ ဂိတုေဂ်ာန္ (၂၉) သှာံ (၂၀၀၉) တုဲကၜဳင္ဂွ္ ကမၼတ႘စႏၵက္ (၁၅) တၜ နာဲေတန္အိုင္ ကႜိဳက္ပ္ဂွ္ေလဝ္ ႏူကုႝ ေသှာဝ္ေပဲါ႐ုဲမာဲတိတ္ဂွ္ သၛ႘ဂၜိပ္တုဲ ဟြံေစွ္စုိတ္ ႐ုပ္ပလုီေထာံဂေကာံညးတအ္ရ။

(ခ) ၐုိ္တ္ဂြံၐုိတ္ေကတ္ ပံက္ေဗာ္ပေရင္ဍဳင္ကြာန္တုဲ လုပ္ေပဲါ႐ုဲမာဲ။

ႀကဵႏူကုႝ ေသှာဝ္ေပဲါ႐ုဲမာဲတိတ္ကၜဳင္တုဲ ေဗာ္ပေရင္ဍဳင္ကြာန္ မှဳံကုႝၾသဇာတအ္ ေဖ်ံသၢဳတ္သြာတ္ ဟြံလုပ္ေပဲါ႐ုဲမာဲတုဲ ရမွ်ာင္သဿာပေရင္ဍဳင္ကြာန္လၛဳႝကုီ ရမွ်ာင္ညးဍဳင္ကြာန္လၛဳႝကုီ ဒွ္ကၜဳင္ဓဝိင္ လၲဴအေခါင္ အရာညးဍဳင္ကြာန္ ေဆာံေလင္ကၜဳင္ႏြံရ။
စပၲံႏူ ဂေကာံျဇဟတ္တတိယ (မန္) တအ္ အာတုိန္ဘာပႜဲဍဳင္ေသံ( ကၞံင္ကံက္) ဂွ္ ညးလ်ဳိင္တလုတ္ တမာန္လၛဳႝတအ္ ကုႝကၜဳင္ျဇဟတ္ ဂၜံင္ဂြံလုပ္ေပဲါ႐ုဲမာဲႏြံမံင္ကုီရ။

လၸာ္ဂေကာံစုိတ္ႏြံကုႝ ေပဲါ႐ုဲမာဲတအ္ဂွ္ ညာတ္ေကတ္လၲဴေသှာဝ္ဥပေဒသၨိဳင္ (၂၀၀၈) ဂွ္ ဟြံဒုင္တဲ ဗုီကုႝရဲဒစုႝဒစးတအ္ဂွ္ကုီရ ေသှာဝ္ေပဲါ႐ုဲမာဲတိတ္ကၜဳင္ဂွ္ေလဝ္ အတုိင္ရဲလၸာ္ဂေကာံဒစုႝဒစးတအ္ ညာတ္ဂွ္ ရဲစုိတ္ႏြံကုႝေပဲါ႐ုဲမာဲတအ္ ဟြံတးပဲါရ။ ဆဂး ညးတအ္သေရာပ္ရံင္ေကတ္ အေခါင္အရာညးဍဳင္ကြာန္ သြက္ဂြံလုပ္ေပဲါဗၲိဳက္ အေခါင္အရာမှိဟ္အပႜႜဲေသှာဝ္ ပႜဲစၜတ္ထဝ္ဂွ္ ေကတ္အခိင္တုဲ ဆက္လုပ္အာေပဲါ ဗၲိဳက္ေရာင္ ရဲဂေကာံမိက္ဂြံဒုင္လုပ္ေပဲါ႐ုဲမာဲတအ္ ညာတ္ရ။

(ဂ) ဗၠပ္ဗေဗင္ ဟြံအာ႐ုင္မာဲ/ဟြံအာစုတ္မာဲ။

ေပဲါ႐ုဲမာဲအလုႝအသ႘ပှာန္ ဖန္ဇန္လဝ္လဿဳဟ္ဂွ္ ဒွ္ပြေပဲါ႐ုဲမာဲ သြက္ဂြံဇမၜိင္အာယုက္ ညးတၜအဝုႝအဏါ ႐ုပ္ရဵဒပ္ပှာန္ပၜန္ေရာင္ ညာတ္တုဲ ဟြံအာကုႝျဇဟတ္၊ သုီဟြံထံက္ဂလာန္ကုႝ ရဲပံက္ေဗာ္ပေရင္ဍဳင္ကြာန္ တအ္ရ။

ဂေကာံရဲပံက္ေဗာ္ပေရင္ဍဳင္ကြာန္တအ္ နကုႝတင္ရန္တဿံေဇှာ္ေဇှာ္ ေကၜာန္ေၐတ္အၾကာေသှာဝ္ မတက္လဝ္ကဿိဳန္ ပယ်ဳႝဂွ္ေဏာဝ္ဟုီဂွ္ ဒွ္ပြမပေယ်ဝ္ေဝင္အေရဝ္ရ ကာလေကၜာန္ေကြံေကြံေတံေတွ္ ညးတအ္ေလဝ္တီမံင္ရ အခါရမုေလဝ္ေကၜာန္ဟြံဂြိဳအ္ဂွ္ ဟုိတ္ဂွ္ရ ဆက္ဒစုႝဒစးအာ ညံင္ေပဲါ႐ုဲမာဲဂြံလုီအာ၊ ရဲပံက္ေဗာ္ပေရင္ဍဳင္ကြာန္တုဲ ဒုင္လုပ္ေပဲါ႐ုဲမာဲဂွ္ေလဝ္ တုပ္တဵညံင္ရဵ ကုႝျဇဟတ္ ထံက္ဂလာန္ကုႝ ေသှာဝ္ (၂၀၀၈) ဂွ္ကုီ ထံက္ဂလာန္ကုႝ ညးတၜအဝုႝ အလုႝအသ႘ပှာန္ဂွ္ကုီ ဟုိတ္ဂွ္ရ ဟြံေစွ္စုိတ္ ဆဝ္ဗၛဳဟ္အာညးဍဳင္ကြာန္တအ္ ညံင္ဟြံဂြံအာ႐ုင္မာဲ ညံင္ဟြံအာစုတ္မာဲ ဗၠပ္ဗေဗင္ေပဲါ႐ုဲမာဲရ။

(ဃ) မင္ရံင္ မင္လၛတ္ သြက္ဂြံပၲိဳန္ထၞးကုႝ ညးဍဳင္ကြာန္/ဂေကာံဂၜးကဝ္။

ေပဲါ႐ုဲမာဲ (၂၀၁၀) ဏံဂွ္ ဒွ္ေပဲါ႐ဲုမာဲ ထၞး႐ုပ္ရဵ ညံင္ရဵၿဇဳံလွာဲေခှာ္ကုီရ။ အလုႝအသ႘ပှာန္ဟုီဒဿံင္ ေပဲါ႐ုဲမာဲတုဲ ဒပ္ပှာန္ဂွ္ ကေလင္ဌာန္ဒပ္တုဲ အလုႝအသ႘ညးဍဳင္ကြာန္ တိုန္အုပ္ဓုပ္္ကဿိန္ဍဳင္ေရာင္ ဂးလဝ္သာ္ဂွ္ကုီေလဝ္ ဍာံဍာံဂွ္ သမၼတကဿိန္ဍဳင္ဂွ္ ပေရင္ဆုႝထၺပှာန္ဒးႏြံ ဝန္ေဇှာ္တြဳႝရးဂွ္ ႏူကဆံင္သမၼတေဟင္ဒး႐ုဲစွ္ကုႝဟုီဂွ္ အေခါင္အဝုႝေကာန္ဂကူေကာန္ဍဳင္အရင္တအ္ သာ္လုႝေလဝ္ အေခါင္အရာဟြံမဲြသက္က္ဂွ္ အလုႝအသ႘လဿဳဟ္ဏံ ဖန္ဇန္လဝ္ နကုႝအစ႘အဇန္ေဇှာ္ေဇှာ္ေရာင္ဂွ္ ကၜးမံင္ရ။

ဟုိတ္ဂွ္ရ ဓ႐ုိဟ္လၸာ္သၠဲေလဝ္ဟြံဂြိဳအ္ ဓ႐ုိဟ္ဂၜံင္လၲဴေလဝ္ဟြံမာန္ ဓ႐ုိဟ္ကုႝျဇဟတ္ဂွ္ သာ္လုႝေလဝ္ ဂၜံင္ဍာန္ဟြံမြဲဒဿံင္ရ။ သက္ပဟြံမြဲတုဲ ၐုိတ္ဆနဲမင္ရံင္ မင္လၛတ္ ပြေပဲါ႐ုဲမာဲခုိဟ္ကုီ ပေရံကုီ ေဗၜတ္ကုီ ဒးကုီဂွ္ လၛတ္ေပၠာံေပၠဝ္တင္နင္ေဟင္ ေကၜာန္သၸမာန္ရ။

အခိင္အခါေကၜာန္ေပဲါ႐ုဲမာဲဂွ္ ဒုႝကုႝလဿဳဟ္ အလုႝအသ႘ဟြံလေလာင္ၾတးကုႝဏီ ဂေကာံေဗာ္ထံက္ဂလာန္ကႝု အလုႝအသ႘ပှာန္တအ္ ဟြံေသင္ကုႝ ဂေကာံေဗာ္ေကာန္ဂကူေကာန္ဍဳင္အရင္ဂမၜိဳင္ဂွ္ ဟြံကုႝ အေခါင္ခ်႘ဒရာင္ေလာဲေလာဲတုဲ ဂေကာံေဗာ္ထံက္ဂလာန္ကုႝအလုႝအသ႘ပှာန္ ဟုီမြဲသာ္ပၜန္ ဂေကာံဇုိင္တဲအလုႝအသ႘ပှာန္ဂွ္ ကုႝလဝ္အေခါင္ခ်႘ဒရာင္ သၜဲသၜဲလးလး ဗၜးဗၜးၐးၐးရ။

ပြပေရင္ကေမၜာန္ဟြံဓဝ္ဍာံအုိႆုီဂွ္ မင္ရံင္ အခါတ္အကာဲ ေပၠာံေပၠဝ္တင္နင္ ညံင္ဂြံဒုင္စ႘ေရင္ ကုႝညးဍဳင္ကြာန္ ေကုာံ ဂေကာံညးဂၜးကဝ္တအ္မာန္ဂွ္ ဖန္ဇန္ ေကတ္တာလ်ဳိင္ရ။ ညးဍဳင္ကြာန္ကုီ ဂေကာံဂၜးကဝ္ဂမၜိဳင္တအ္ကုီ တီကၜဳင္ပေရင္ဓဝ္ ဂၜံင္တရဵဍာံတုဲ လညာတ္သမၲီ ပေရင္ပြကေမၜာန္အလုႝအသ႘ေလဝ္ ညးတအ္ကၜးကၜဳင္တုဲ ဆက္လုပ္အာေပဲါဗၲိဳက္ ပေရင္ဂၜံင္တရဵဓဝ္ဍာံ ကု ဂေကာံမွာဇန္တအ္ရ။

လညာတ္ (၄) ကြပ္ပၲိဳန္ထၞးဗဲြလၲဴဂွ္ ၐုိန္ရလညာတ္ဟြံတုပ္သဿဟ္ ပၚျခာတဵကုီေလဝ္ တင္ရန္တဿံညးတအ္ ဗၲိဳက္သ႐ုိဟ္ေသှာတ္ညးတၜအဝုႝ အလုႝအသ႘ပှာန္တုဲ သြက္ဂြံကေလင္ဒက္ပၲန္ေသှာတ္ဒ႘မဝ္ကေရၿဇ႘ေဇတ္ မဍာံျပဂွ္ လညာတ္မြဲထပ္ဓဝ္ တုပ္မံင္ဖအုိတ္ရ။
ဂေကာံေကာန္ဂကူဂမၜိဳင္တအ္ဂွ္ နကုႝေဗာ္ပေရင္ဍဳင္ကြာန္ မှဳံကုႝၾသဇာ သြက္ဂကူညးကုႝညးဂွ္ ၐုိန္ ဟြံပံက္ေဗာ္ပေရင္ဍဳင္ကြာန္ကုီေလဝ္ ဂေကာံလၛဳႝ ႏူကုႝေဗာ္မိညးတအ္ ပၚတိတ္တုဲပံက္ေဗာ္ပေရင္ဍဳင္ ကြာန္ ဒုင္လုပ္ေပဲါ႐ုဲမာဲ၊ ဂေကာံလၛဳႝပၜန္ ႏူကုႝ ေဗာ္ဒုင္႐ုဲလဝ္မာဲသှာံ (၁၉၉၀) ေတံ ကေလင္ဒက္ပၲန္ေဗာ္တဿိတုဲ ဒုင္လုပ္ေပဲါ႐ုဲမာဲ၊ လၛဳႝဂွ္ပၜန္ဂွ္ ႏူကုႝေဗာ္ရပ္လြဟ္ေလဝ္ဟြံပၚတိတ္၊ ႏူကုႝေဗာ္ (၁၉၉၀) ဂွ္ေလဝ္ ဟြံပံက္ေဗာ္တဿိ၊ ဗြိဳင္ကႜိဳပ္သၠိဳပ္အပႜဲဍဳင္ တၜပညာသဿာပေရင္ဍဳင္ကြာန္ ညးယုိက္ဝန္အလုႝအသ႘ စန္ဒက္ေပၠာံေပၠဝ္တုဲ လုပ္ပံက္ေဗာ္ပေရင္ဍဳင္ကြာန္ ဒုင္လုပ္ေပဲါ႐ုဲမာဲရ။

ပၛံက္ေပဲါ႐ုဲမာဲအလုႝအသ႘ပှာန္ဖန္ဗဒွ္ (၂၀၁၀) တၛဲဏံဝြံ သၛ႘ဂၜိပ္ရံင္ေတွ္ တဿံတဿံေဗာ္ ဇဿါပ္ပ္ဂကူ ေဗာ္မှဳံ ကုႝၾသဇာညးဍဳင္ကြာန္သၜဳင္င္ဂွ္ မြဲေဗာ္ မြဲဂေကာံေလဝ္ ဟြံမြဲရ။ လၸာ္အလုႝအသ႘ဂွ္ ဂေကာံ/ေဗာ္ စန္ဒက္ ေကာန္ဍဳင္အရင္ (တစည) ကုႝ ဂေကာံ/ေဗာ္ခုိင္ကၜိဳက္ေဖါအ္ေျဗဝ္ (ႀကံ႕ဖြံ႕) ႏြံရ။ လၸာ္ညးဍဳင္ကြာန္ကုႝ ေကာန္ဂကူတအ္ဂွ္မၢး ဂေကာံ/ေဗာ္ လေစွ္ ႏူကုႝေဗာ္မှဳံကုႝၾသဇာဂွ္ ကေလင္ပၚတိတ္အာတုဲ လုပ္ပံက္ေဗာ္ တဿိ၊ ေကာန္ဂကူတအ္ပၜန္ေလဝ္ လေစွ္ႏူကုႝ ဂေကာံ/ေဗာ္မိညးတအ္ ဖန္ဗဒွ္ပၲိဳန္ေဗာ္တဿိေလဝ္ႏြံ လၛဳႝထၞဳတ္ ပၲိဳန္ေဗာ္တဿိသက္က္ ပူဂုႝယဿဳဟြံျပာကတ္ ညးဍဳင္ကြာန္ေလဝ္ဟြံတီ ဗုီသာ္ဏံ ႏြံဂၜိဳင္ေကြံေကြံရ။

ဟုိတ္ဂွ္ရ ေပဲါ႐ုဲမာဲပၛံက္တၛဲဏံဝြံ သာ္လုႝေလဝ္ ဒွ္ေပဲါ႐ုဲမာဲ ဗုႝဟြံဆာဲ အပႜဲကဿိန္ဍဳင္သဿးဟြံက သုီဒွ္ဗုႝဟြံေက်ဝ္ ေလၵာဝ္လုိက္ဂၜးကဝ္ ဟုီဂြံရ။ ေပဲါ႐ုဲမာဲတုဲဒွ္အာတုဲ သြက္ကဿိန္ဍဳင္ ေသှာဝ္ကဿိန္ဍဳင္မဲြ ဂြံေဒၢတ္ဗက္ဗုိန္တ္ ခုိင္င္ကၜိဳက္က္ ဗက္ေဇဿာဝ္ေခတ္ေသှာတ္ဒ႘မဝ္ကေရၿဇ႘ ကေရာံေခတ္ဂၜးကဝ္ေရာင္ ဂလုိင္လုႝညးတၜအဝုႝတအ္ ႀကဳီကုီေလဝ္ ေပဲါဗၲိဳက္အေခါင္အရာမှိဟ္ကုႝ ေပဲါဗၲိဳက္အေခါင္အရာေကာန္ဂကူဂွ္ ဆက္ေသွ္အာ အတုိင္ေႀတံေတံပၜန္ေရာင္။ ပြိဳင္ေပင္ (၂၀) သှာံမွ ဂြံဆုႝ ထၺေပဲါ႐ုဲမာဲမြဲဝါ ပႜဲကဿိန္ဍဳင္ဗဿာတၛဲဏံဝြံ လၸာ္အလုႝအသ႘ပှာန္ဂွ္ ၐုိန္ရသၸဒတန္ေပဲါ႐ုဲမာဲ ေကၜာန္သၸဍာံဍာံျပျပ ဟုီဒွ္ကၜာေလဝ္ လၸာ္ေကာန္ဂကူဂမၜိဳင္တအ္ဂွ္ ဒွ္ေပဲါ႐ုဲမာဲ သြက္ ဂြံစမ္ေဝင္ျပယာဲပေရင္ဍဳင္ကြာန္မြဲအခန္ မြဲက႑ေဍာတ္ဓဝ္တုဲ ေပဲါ႐ုဲမာဲ (၂၀၁၀) ဏံ ဒွ္ေပဲါ႐ုဲမာဲ သၜဳင္ပၲိဳန္အသိင္ကုႝ ေပဲါဗၲိဳက္ညးဍဳင္ကြာန္ေရာင္ သဿာပေရင္ဍဳင္ကြာန္လၛဳႝ ဟုီဒဿံင္ႏြံကုီရ။

လၲဴေပဲါ႐ုဲမာဲဏံ နကုႝညးဍဳင္ကြာန္ဓမၼတာမြဲ သာ္လုႝဂြံစြံစုိတ္ေရာ ယဝ္ရတင္သဿာန္ဏံ မံက္ကၜဳင္ ဒွ္ဒဿံင္သံသယဟြံကၜးဒွ္ကၜဳင္မၢး ဂလာန္ကႜိဳပ္သၠိဳပ္ဝွ္ပေရင္ဍဳင္ကြာန္တအ္ဟုီဂွ္ ယဝ္ရဟြံေစွ္စုိတ္ဍာံ ဓဝ္ပေတွ္လၲဴေပဲါ႐ုဲမာဲဏံဟြံမြဲဍာံဍာံမၢး ဗၠပ္ဗေဗင္ေထက္၊ ေပဲါ႐ုဲမာဲတုဲဒွ္အာေလဝ္ ပေရင္ကဿိန္ဍဳင္ပု႙ တုဲဒွ္ၐုိဟ္ႀသိဳဟ္အာဟြံေသင္ လၸစြံစုိတ္အဓိကကုႝ ပေရင္ေပဲါ႐ုဲမာဲတုဲ ပေရင္ေကာန္ဂကူ ေထက္ ကုႝဒးေကၜာန္ဂွ္ ဆက္ခ်႘ဒရာင္တုဲ ေကၜာန္အာ ကႜိဳပ္သၠိဳပ္ဝွ္ပေရင္ဍဳင္ကြာန္ႀကံင္တအ္ ဆဝ္ဗၛဳဟ္လဝ္ႏြံရ။

ကႜိဳပ္သၠိဳပ္လညာတ္ဝွ္ၐတ္သာလၛဳႝပၜန္ဂွ္ ေပဲါ႐ုဲမာဲကဿိန္ဍဳင္ပု႙ဂွ္ ပြိဳင္ (၂၀) သှာံမွ ဂြံဆုႝထၺမြဲအလန္ ေပဲါ႐ုဲမာဲဏံ ရွ္သာအေခါင္အရာေကာန္ဂကူ ၐုိန္လုႝဟြံမြဲဟြံမြဲ ေဗာ္ပေရင္ဍဳင္ကြာန္ဂကူဇကု ဂြံဒတူလုိင္အာ ပႜဲေသှာဝ္မာန္ မမာဲဇကုစှးဒးေထာံေဖ်ံပႜဲနခဿိက္ဂွ္ ကၜဟ္စုတ္ပႜဲကဠာေဗာ္သၸစှးေကာန္ဂကူဇကုဍာံဍာံဂွ္ေတွ္ ရွ္သာေတဿင္ႏူ ဟြံအာစုတ္မာဲ ဗၠပ္ဗေဗင္ဂွ္ဏီေရာင္ လညာတ္မြဲဂွ္ ဆဝ္ဗၛဳဟ္ပၜန္ရ။ လညာတ္ၐါဏံ ဣလုႝဒွ္ဂုဏ္ဖုႝသြက္ဂကူဍာံဍာံ ဒ္ွလေတင္လမ်ဳီေကာန္ဂကူဍာံဍာံဂွ္ ခ်ပ္ဗၥာတုဲ လၲဴေပဲါ႐ုဲမာဲ (၂၀၁၀) ဏံ သာ္လုႝပု႙စြံစုိတ္ ေတွ္ဒွ္ဂုဏ္ဖုႝ သြက္ဂကူပု႙မာန္ဂွ္ သၛ႘ဂၜိပ္တုဲ ပၲိဳန္ထၞးဏာရ။

သဿာပေရင္ပိုန္ျဂပ္ေကၜာန္ဆုတံ စဿ႘ဒဿံင္ ညံင္ဂြံကေလင္ပံက္ကႝု ပြမပတိတ္ဆုမြဲဝါပၜန္

နာဲတၜလြ႘
ဂိတုေမ ၂၇၊ ၂၀၁၀
ႏူေဗာ္ကေရင္ ေကေအန္ယူတံ လေလာင္ၾတးပၲိတ္လိက္ ကဿာတ္ၿဂိပ္ဆု မြဲခ်ဳိန္ခဏတဲု သဿာပေရင္ပိုန္ျဂပ္ေကၜာန္ဆုတံ မင္စဿ႘ဒဿံင္ ဆလအ္ညးတံ ကေလင္ပံက္ကႝုမြဲဝါပၜန္ေရာင္ ဂြံတီေကတ္ရ။

သဿာပေရင္ပိုန္ျဂပ္မေကၜာန္ဒဿံင္ဆု အပႜဲျဂိပ္မှဳံသဿဝ္တဲတိဍာ္ကေရင္ေကေအန္ယူတံဂွ္ ႏူဒပ္ကေရင္တံ လေလာင္ပတိတ္လဝ္လိက္ ကဿာတ္ေထာံ ပြမပတိတ္ဆု ပႜဲဂိတုေမ ၁၅ ဂွ္ေရာင္ သဿာေကၜာန္ဆု လၲဴဍဳင္က်ာ္ပိတံ ဟီုရ။

ႏူေကေအန္ယူတံကဿာတ္ေထာံပြမပတိတ္ဆုဂွ္တဲု သဿာေကၜာန္ဆု မပတိတ္ဒဿံင္ဆု ႏူျဂိပ္တံ ဟိုတ္ႏူ ဆုညးတံေသွ္ဒဿံင္ကီု ကေပါတ္စက္ညးတံ ေသွ္ေသဿဟ္ဒဿံင္ အပႜဲျဂိပ္ဆုတံဂွ္ကီုတဲု ညံင္ဂြံကေလင္ပံက္ကႝုျဂိပ္ဆုမြဲဝါပၜန္ဂွ္ ႏြံပဿိက္မံင္အိုတ္ရ။

“ျပဟ္ဟ္ဏံဂွ္ ေကေအန္ယူတံ တိုန္ေသာင္ကလးမံင္ စရင္ဆု ပြဳိင္မြဲသှာံ ပႜဲဗဟုႝေတံဖိုဟ္ ရဲဆုေသွ္မံင္ ဇိုင္င္ဂၜံင္ကြ႘စက္တံဂွ္ေတွ္ သြက္ဂြံ ကေလင္ပံက္ကုႝႏြံမံင္၊ ဆဂး ရဲဆုေသွ္မံင္ လၸာ္အပႜဲျဂိပ္ေတံဂွ္ေတွ္ ေဍံတံဟြံကႝုအေခါင္ပတိတ္ရပုဟ္” သာ္ဝြံ သဿာေကၜာန္ဒဿံင္ဆု လၲဴဍဳင္က်ာ္ပိမြဲတၜ ဟီုရ။

တဲုပၜန္ ရံင္ကုႝအကာဲအရာပေရင္ဍဳင္ကြာန္ကုီ၊ ဥတုရာသ႘ကုီတဲု ေကေအန္ယူတံ သြက္ဂြံကဿာတ္ေထာံၿဂိပ္ဆုႏြံေရာင္ဂွ္ေလဝ္ ညးဆက္ဟီုရ။

“သှာံဏံ ဟရိပ္ဂြံလဝ္ဆု (၃၀) လတုန္ျပင္င္ဓဝ္ရ။ ႏုက္ေထာံငၛဳဟ္အကံက္တုဲဒွ္အိုတ္ေတွ္ မြဲလတုန္ ဂြံၾသန္ (၄၀၀၀၀) ၐါတ္ကုီ၊ ဆဂး သြက္ေကၜင္ကြ႘စက္ဂွ္ (၁၀၀၀၀) ၐါတ္၊ ရဲဒ႘ကြ႘စက္ဂွ္ ဒးကႝု (၁၀၀၀၀) ၐါတ္၊ ပေလဝ္ပေလတ္ကြ႘စက္ႏြံမံင္ဏီ ဖအိုတ္ဂွ္ေတွ္ သြက္ဇကု ေသွ္ၐိုတ္ (၁၀၀၀၀) ၐါတ္ရဒွ္ ဆဂွ္သဿးဟြံေသင္ သြက္ေကာန္ကေမၜာန္ ပတိုန္ဆု၊ ေဖ်ံဆုတံေလဝ္ႏြံမံင္ဏီ” သာ္ဏံ သဿာေကၜာန္ဆုဂွ္ ဆက္ဟုီရ။

သြက္ရဲေကၜာန္ဆုဗြဲမဂၜဳိင္တံဂွ္ ဆၐိုတ္ေကၜာန္လဝ္ မြဲလတုန္ ၐါလတုန္ဓဝ္ဂွ္ ဟြံတီက်ၿပဲပုဟ္၊ အတိုင္မြဲကႛင္ သေရာပ္ေထာံစရင္တဲုမွ ဂြံတီေကတ္ က်ၿပဲမာန္ရ။

သဿာေကၜာန္ဆုလၛဳႝ ဂြံေကၜာန္ဆုဂွ္ ဟိုတ္ႏူဒးေကတ္လဝ္ၾသန္ ႏူညးတှဟ္မြဲကဆံင္တဲု ဒးဒုင္ ကုႝဒဿံင္အိတ္ၾသန္ဇဿာပ္ပ္ဂိတုဂွ္ရ လေဆာဝ္က်ႏြံ။ အၾကာဂွ္ ငၛဳဟ္ဆုေစွ္ကုီ၊ လတုန္ဟရိပ္ဆုေအာန္ေစွ္ကုီ ႏြံမံင္တဲု ဗႝုတဲုဒးက်ဂၜဳိင္ရ။

သဿာေကၜာန္ဆုမြဲမြဲတၜ ယဝ္ေကၜာန္နကႝုၾသန္ဇကုဇကုမၢး ပြဳိင္မြဲမြဲသှာံ ညးတံပရဲတိတ္ဒဿံင္ (၃၀/၄၀) ကိုဋ္ ဒွ္ဒဿံင္ေရာင္ ရဲေကၜာန္ဆုတံ ဟီုရ။
သြက္အကံက္တံဂွ္ ဆုကေရာန္ (တုလုံးသစ္) မြဲတာန္မၢး (၈၀၀) ၐါတ္၊ ဆုဒိုက္ကာ မြဲတာန္ (၂၀၀၀/၃၀၀၀) ၐါတ္၊ ဒးကုႝဒဿံင္အကံက္ ေသှဟ္ကင္ DKBA (၃) ဒှာဲ၊ KNU (၂) ဒှာဲ၊ NMSP (၁) ဒှာဲ၊ ေသှဟ္ကင္အလုႝအသ႘ဗဿာ (၂) ဒှာဲ ဒးကႝုဒဿံင္ရ။ ကြ႘စက္ဖဍဳိက္ဆုတံဂွ္ မဒွ္ကြ႘စက္သၜာစွ္တဲု မြဲလတုန္မၢး ဖဍဳိက္ဒဿံင္ဆု (၁၂) တာန္ရ။

ျပဟ္ဟ္ဏံ ငၛဳဟ္ဆု (ဆုဒိုက္ကာ) မြဲတာန္ (၂၀၀၀၀) ၐါတ္၊ ဆုကေရာန္ မဂှန္ (၁) ဂွ္ မြဲတာန္ (၁၁၀၀၀) ၐါတ္၊ မဂှန္ (၂) ဂွ္ (၉၅၀၀) ၐါတ္၊ မဂှန္ (၃) ဂွ္ (၈၅၀၀) ၐါတ္၊ မဂှန္ (၄) ဂွ္မၢး (၈၀၀၀) ၐါတ္ ပိုင္ျခာလဝ္ငၛဳဟ္မးေဍံရ။ ဆုပါေကခိုဟ္ဂွ္မၢး မြဲတာန္ (၂၅၀၀၀) ၐါတ္၊ ဍာ္ဒေကဝ္သဝ္ညိဂွ္ (၂၃၀၀၀) ၐါတ္ ႏြံရ။

သှာံတဲုကၜဳင္ေတံဂွ္ ငၛဳဟ္မးဆု ဆုဒိုက္ကာ မြဲတာန္ (၂၅၀၀၀) ၐါတ္၊ ဆုကေရာန္မြဲတာန္ (၁၆၀၀၀) ၐါတ္၊ ပါေကမြဲတာန္ (၃၀၀၀၀) ၐါတ္ ငၛဳဟ္ခိုဟ္ႏူသှာံဏံရ။

အတိုင္ရဲေကၜာန္ဆုမဲြတၜဟုီဂွ္မၢး ဟိုတ္ႏူဒးကုႝအကံက္ဂၜဳိင္တဲု သြက္ရဲေကၜာန္ဆုတံ မုေလဝ္ဟြံေသွ္ရ။ ဆုမြဲက႘ြစက္ ဂြံစိုပ္ဒှာဲဇကုဂွ္မၢး မြဲလတုန္ ဒးကႝုဒဿံင္အကံက္ သြက္ ဆုဒိုက္ကာဂွ္ (၉၅၀၀၀) ၐါတ္၊ ဆုကေရာန္ဂွ္ (၅၀၀၀၀) ၐါတ္ ဒးကႝုဒဿံင္အိုတ္ရ။

လၲဴက်ာ္လဂုင္ ကဿဲအာကၜဳင္ေအာန္ အပႜဲအခိင္ကသမ္

ဟုိ္တ္ႏူၿဗဲစုိပ္တိတုဲ မြဲဂိတုကုႝ မြဲဂိတု ရဲေလၛာဝ္က်ာ္ လၲဴက်ာ္လဂုင္ ေကာန္ဍဳင္မၛးတအ္ ေအာန္ေစွ္ဒဿံင္ေရာင္ ဂေကာံေဂါပကတအ္ လဵထၞးရ။

“အ႐ုိဟ္ဟ္သှာံရ ၿဗဲစဂူေတွ္ ရဲေလၛာဝ္က်ာ္ေကာန္ဍဳင္မၛးတအ္ ႀက႘ေစွ္ ႀက႘ေစွ္မံင္ေဏါဝ္” သာ္ဏံဂေကာံေဂါပကက်ာ္လၢဳင္မြဲတၜ ဟုီလဵကုႝရ။
အတိုင္စရင္ဂေကာံေဂါပက ကဿဳဲႏူဍဳင္မၛး သှာံ (၂၀၁၀) ဏံဂွ္ ဂိတုဂ်ာန္နဝါရ႘ဂွ္ ကဿဲဳ (၂၀၃၆၄) တၜ၊ ဂိတုေဖဖဝ္ဝါရ႘ဂွ္ (၁၉၁၄၀) တၜ၊ ဂိတုမာတ္ခ်္ဂွ္ (၁၅၉၄၃) တၜတုဲ ဂိတုဧၿပ႘ဂွ္ (၁၀၂၅၄) တၜေအာန္ေစွ္သိုက္က္ရ။ ကဿဳဲေကာန္ဍဳင္မၛးမြဲတၜမၢး စရိတ္ကဿဳဲ (၅) ဒဝ္ဠာ ဟြံေသင္မၢး (5 FEC) ကံက္ေကတ္ဒဿံင္ရ။

“ေကာန္ဍဳင္မၛးတအ္ ေအာန္ေတွ္ေအာန္ရ ယဝ္ရေသံတံေတွ္ မဲြမြဲဂေကာံၐုိတ္ (၃၀) တၜ၊ ပု႙ဆုႝမံင္ မြဲေဏွအ္ မြဲေဏွအ္” သာ္ဏံ ေကာန္ကြးမြဲတၜ ဟုီရ။

ေကာန္ဍဳင္မၛး ေလၛာဝ္က်ာ္ဂၜိဳင္အုိတ္ ပႜဲဂိတုဧၿပ႘ဂွ္ ဒွ္ေကာန္ဍဳင္ေသံတံတုဲ လဿိဟ္ (၂၅၉၁) တၜမဒွ္ရ။ ေကာန္ဍဳင္ၾကဳက္ဂွ္ (၂၅၁၆) တၜ၊ ျပင္ေသတ္ဂွ္ (၉၂၄) တၜ၊ ဂ်ပါန္ဂွ္ (၅၂၁) တၜ၊ ဂ်ာမန႘ဂွ္ (၄၄၉) တၜ၊ ေကာန္ဍဳင္အေမရိကာန္ဂွ္ (၃၄၇) တၜ၊ ေကာန္ဍဳင္ေသတ္သလာန္ဂွ္ (၂၇၅) တၜဒွ္တုဲ ေကာန္ ဍဳင္အ႘တလ႘ဂွ္ (၂၂၇) တၜ ကၜဳင္စိုပ္လဝ္ေရာင္ ဂြံတီေကတ္ႏူစရင္ ေဂါပကတံရ။

ေကာန္ဍဳင္မၛးတအ္ ကၜဳင္ေလၛာဝ္က်ာ္လၢဳင္ သှာံ (၂၀၀၉) တုဲကၜဳင္ဂိတုဂ်ာန္နဝါရ႘ဂွ္(၁၀၉၀၉)တၜ၊ ေဖဖဝ္ဝါရ႘ဂွ္ (၁၀၃၈၁) တၜ၊ ဂိတုမာတ္ခ်္ဂွ္ (၉၈၂၃) တၜ၊ ဂိတုဧၿပ႘ဂွ္ (၆၁၆၇) တၜတုဲ ရဲကၜဳင္ေလၛာဝ္က်ာ္သှာံဏံ ဂၜဳိင္ႏူသှာံတုဲကၜဳင္ဂွ္ဏီေရာင္ ဂေကာံေဂါပကတအ္ လဵထၞးကုႝရ။

Wednesday, May 26, 2010

ဂေကာံ World vision တံ သိုင္ကႝုဘာေဗၲာန္လိက္တဿိ ပႜဲကြာန္ပင

Wed 26, May 2010
မိစၜန္ထဝ္

ဘာေဗၲာန္လိက္တန္မူလ ကြာန္ပင လီုလာ္ဒဿံင္ဂွ္ ႏူကႝုဂေကာံ World vision တံ ေကတ္တာလ်ဳိင္တဲု ကေလင္သိုင္ကႝုဒဿံင္ ဘာတိုက္တဿိေရာင္ ဂြံတီေကတ္ရ။

တြႝဳရးဍဳင္မန္ ပြိဳင္ဍဳင္ျဇပ္ဗု ကြာန္ပင ပႜဲအရပ္ပလိုတ္ေတံဂွ္ ဘာတန္ေဗၲာန္မူလ လီုလာ္ဒဿံင္ဂွ္ ႏူကႝုဂေကာံ World vision တံ စႏူဂိတု ေမ ၂၀ ဏံတဲု စေဖ်ံမံင္တဿံတိုင္ သိုင္ခှံဒဿံင္ေရာင္ ဂြံတီေကတ္ရ။

ၐိုန္ရဒွ္မံင္ ဘာေဗၲာန္လိက္အလႝုအသ႘ကီုေလဝ္ နကႝုဌာနပေရင္ပညာတံ ဂြံထံက္ပင္ဂွ္ ျဇဟတ္ေအာန္ဒဿံင္ကီု၊ ရဲေဒသတံေလဝ္ ဂြံထံက္ပင္ဂွ္ ဒွ္မံင္အခက္အခဲုဂွ္ရ ႏူကႝုဂေကာံ World vision တံ ဖအိုတ္ၾသန္ ၐိုတ္ ၃၀၀ ကိုဋ္တဲု စသိုင္ခှံမံင္ကႝုေရာင္ ညးတာလ်ဳိင္ပေရင္ဖအ္ေျဗဝ္ ႏူကႝုဂေကာံ World vision မြဲတၜဂွ္ ဟီုရ။

“ဘာဂွ္ ဘာအလႝုအသ႘ရ၊ ဆဂး ႏူကႝုဌာနပေရင္ပညာတံဂွ္ ကႝုၐိုတ္ ၃၀ ကႜိဳပ္ကၜံ၊ ရဲကြာန္တံေလဝ္ ဂြံကေလင္သိုင္ေကတ္တဿိ နအလႝုညးတံဂွ္ ဒွ္ဟြံမာန္တဲု အခိင္သိုင္ဘာဂွ္ေတွ္ ၐိုန္ညးတံ ဗိုင္႐ီုဗင္ကႝုရမာန္” သာ္ဝြံ ညးတာလ်ဳိင္ဂွ္ ဆက္ဟီုရ။

သြက္ဂြံသိုင္ဘာေဗၲာန္လိက္ဂွ္ ရဲအရပ္ကြာန္ပငကႝု အၥာဘာတံကီု ကႜိဳက္ပ္တဲု ေစွ္အာတ္ဒဿံင္ဒါန္ၾသန္ေရာင္ ရဲကြာန္ပင မြဲတၜ ဟီုရ။

“ဘာဂွ္ လီုဒဿံင္တဿာလအ္ရ၊ လဿဳဟ္မွဂြံသိုင္တဿိ၊ ၐိုတ္ဇကု ေစတနာႏြံဂွ္ စုတ္မာန္မံင္၊ မုစိဒးစုတ္ဂွ္ ေဍံတံဟြံစဿတ္လဝ္ပုဟ္” သာ္ဝြံ ေကာန္ကြာန္ဂွ္ ဟီုရ။

ပႜဲကြာန္ပငဂွ္ ဘာတန္သၜဳင္ ႏြံမံင္ ၁ ဘာ၊ ဘာတန္လေဒါဝ္ ၁ ဘာေကုာံ ဘာတန္မူလတံ ႏြံမံင္ ၅ ဘာရ။ ဘာသိုင္တဿိလဿဳဟ္ဂွ္ဝြံ ကြးဘာ ႏြံမံင္ၐိုတ္ ၁၂၀ တၜရ။

“ႏူကႝုဂေကာံ World vision တံ သိုင္ကႝုဘာေဗၲာန္လိက္ေတွ္ ခိုဟ္ေကြံေကြံရ၊ ဘာဂွ္ဂွ္ လီုလာ္ဒဿံင္တဿာလအ္ရေဏာဝ္” သာ္ဝြံ ရဲကြာန္ပင စိုပ္မံင္ဍဳင္ေသံ မြဲတၜ ဟီုရ။

ဘာတန္မူလသိုင္မံင္လဿဳဟ္ သြက္ဂြံတဲုဒွ္အိုတ္ဂွ္ လအ္ပြိဳင္ ၁ ဂိတုျပင္ျပင္ ဒွ္မာန္ေရာင္ဂွ္ေလဝ္ ညးတာလ်ဳိင္ ပေရင္ဖအ္ေျဗဝ္ဂွ္ ဟီုရ။

ဂေကာံ World vision ဂွ္ဝြံ ဒွ္ဂေကာံ NGOs မြဲ ပံင္တာဲကႝု အလႝုအသ႘ဗဿာတဲု ထံက္ပင္မံင္ကႝု ညးဍဳင္ကြာန္သြာင္ ပေရင္ထတ္ယုက္၊ ပေရင္ပညာ အလံုဍဳင္ဗဿာရ။

ေလာန္ကၜဳင္ ၐိုတ္ ၃ ဂိတုေတံေလဝ္ ပႜဲပြိဳင္ဍဳင္ျဇပ္ဗု ကြာန္ၾကဳင္ဗဒဝ္ဂွ္ ႏူဂေကာံ World vision တံ ဖအိုတ္ၾသန္ ၂၀၀ ကိုဋ္တဲု သိုင္ခှံကႝု ဘာတန္မူလ မြဲဘာ တဲုဒွ္အာေရာင္ ဂြံတီေကတ္ရ။

Monday, May 24, 2010

ေကာန္ကြာန္ ဒးဒုင္တံင္ရပ္ဏာတံ ကေလင္စဵစိုပ္

မိစၜန္ထဝ္

ဂေကာံမန္ပၚတိတ္ ကႜိဳပ္ဆာန္ဍဳင္တံ တံင္ရပ္ဏာ ေကာန္ကြာန္အံင္ဇှးကႝု ေကာန္ကြာန္ဍာ္္ဂီုတဵ ပြိဳင္ဍဳင္ဍာ္ဗု ရးတှင္သ႘တံ သြက္ဂြံအာတ္လႈဲဂွ္ ကေလင္စဵစိုပ္ကြာန္အိုတ္ရေရာင္ ဂြံတီေကတ္ရ။

မှိဟ္ကေလင္စဵစိုပ္ကၜဳင္တံဂွ္ ႏူဒပ္ပှာန္ ခမရ ၂၈၂ ေဖ်ံလဝ္သဇိုင္ ပြိဳင္ဍဳင္ဍာ္ဗုတံ ေကာ္သဿာန္လဝ္ေရာင္ ရဲေဒသဂွ္ မြဲတၜ ဟီုရ။

“ရဲကြာန္ပ႙ု ၅ တၜ စိုပ္ကၜဳင္ရ၊ ေသွ္မံင္ ၂ တၜဂွ္ ၐက္မံင္ပႜဲကြာန္ဍာ္ဂီုတဵေတံ၊ မှိဟ္စိုပ္ကၜဳင္ဂွ္ ဒပ္ပှာန္ ခမရ ၂၈၂ ေကာ္သဿာန္လဝ္ ကႜိဳပ္ဆာန္ဍဳင္တံ မုကႝုေကၜာန္၊ ေကာ္ဏာဒှာဲလႝု၊ အာတ္လႈဲကီုဟာ၊ မဗၲံဗီုဂွ္ ေဍံတံသဿာန္လဝ္ႏြံ၊ ဆဂး ရဲကြာန္တံဟီုဂွ္ လႈဲမုစိေလဝ္ ဟြံဒးကႝုပုဟ္ဂွ္ ဟီုကႝု ပှာန္ဗဿာတံ” သာ္ဝြံ ေကာန္ကြာန္အံင္ဇှးမြဲတၜ ဟီုရ။

ေလာန္ကၜဳင္ ဂိတုေမ ၅ ေတံ ဂေကာံမန္ပၚတိတ္ ကႜိဳပ္ဆာန္ဍဳင္တံ ေကာ္ဏာရဲကြာန္အံင္ဇှးကႝု ေကာန္ကြာန္ဍာ္ဂီုတဵ ၐိုတ္၂၂ တၜတဲု သီုကႝုအာတ္လဝ္လႈဲ မှိဟ္မြဲ ၐါေစွာ္ကိုဋ္တဲု လဿဳဟ္ဝြံ ရဲကြာန္တံ ကေလင္ဗၜးကၜဳင္အိုတ္ရ။

“ရဲကြာန္ အံင္ဇှးတံဂွ္ စိုပ္အိုတ္ယ်၊ ဆဂး ရဲကြာန္ဍာ္ဂီုတဵတံဂွ္ရ စိုပ္ဟာ ဟြံစိုပ္ဟာဂွ္ ဟြံတီဏီပုဟ္” သာ္ဝြံ ေကာန္ကြာန္အံင္ဇှးမြဲတၜ ဟီုရ။

ကႜိဳပ္ဆာန္ဍဳင္တံဝြံ ပဲါႏူေကာ္ဏာမှိဟ္တဲု အာတ္မိက္လႈဲသဿးဟြံက ပြမအာတ္မိက္လႈဲ ႏူညးေဇှာ္ကြာန္ ႏူေကာန္ကြာန္တံဂွ္ေလဝ္ မြဲႏွမြဲႏွ ကတႝုဒွ္ဒဿံင္ရ။

ကႜဳိပ္နာဲဆာန္ဍဳင္တံဂွ္ဝြံ ေကာန္ဂေကာံ မှဳံအၾကာ ၂၀ တၜကႝု ၃၀ တၜဒွ္တဲု ခ်႘ဒရာင္ဒဿံင္ လၸာ္ေဒသ ေရဝ္သၜဳင္က်ာ ဗၵဵပြိဳင္ဍဳင္ဍာ္ဗုေတံရ။

Tuesday, May 18, 2010

ေဗာ္ဍဳင္မန္တဿိဂွ္ ဒွ္ဂေကာံဟြံလုပ္အေဝါင္ေသှာဝ္ေရာင္ သကိုပ္ဒပ္ရးအဂှဲဟုီ

ဂ်ဴရ႘ဆာဲ၊ ေယန္မန္
ဂိတုေမ ၁၇၊ ၂၀၁၀

ေဗာ္ဍဳင္မန္တဿိဂွ္ ဒွ္အာဂေကာံရပ္လြဟ္ ဟြံလုပ္အေဝါင္ေသှာဝ္ရေရာင္ဂွ္ သၠဳိပ္ဒပ္ ဌာန္ဂဥဳပ္ပှာန္ရးဒိုဟ္အဂှဲ ဟီုဏာ ပႜဲကႝုေကာံဓရုီ ဂေကာံခိုင္ကၜဳိက္ (ၾကံ့ဖြံ႕) ရ။

သကိုပ္ဒပ္ ဌာန္ဂဥဳပ္ပှာန္ရးဒိုဟ္အဂှဲ သကိုပ္ပှာန္တိတ္နာင္ေဝန္ ေကာ္ေကာံဓရုီ ကႜိဳပ္ဂေကာံခိုင္ကၜိဳက္ မှဳံအပႜဲပြိဳင္ဍဳင္မတ္မလုီ ပြိဳင္ဍဳင္မုဟ္ဍဳင္ ပႜဲဂိတုေမ ၇ ဏံ ပႜဲဌာန္ဂဥဳပ္ပှာန္ရးဒိုဟ္အဂှဲတုဲ ဟုီဏာသာ္ဂွ္ရ။

“ေဗာ္ဍဳင္မန္တဿိဂွ္ အလုႝအသ႘ပှာန္တံ စဿတ္သမၲီလဝ္ ဂေကာံဟြံလုပ္အေဝါင္ေသှာဝ္တုဲ မံင္အာကုႝသတိညိဂွ္ သကိုပ္ပှာန္တိတ္နာင္ေဝန္ ဟုီဗကန္လဝ္ကုႝ ကႜိဳပ္ဂေကာံ (ၾကံ့ဖြံ႕) ပႜဲေကာံဓရုီရ” သာ္ဝြံ ညးမၾကပ္ေညာန္ကုႝ ကႜိဳပ္ဂေကာံခိုင္ကၜိဳက္ မတိုန္လဝ္ ေကာံဓရုီမြဲတၜ ဟုီရ။

ၾကဵႏူဂိတု ေအဗရာ ၂၈ တုဲဂွ္ ညးတံစဿတ္သမၲီလဝ္ ေဗာ္ဍဳင္မန္တဿိ နဒဒွ္ဂေကာံရပ္လြဟ္ ဟြံလုပ္အေဝါင္ေသှာဝ္ေရာင္ဂွ္ သကိုပ္ရး ဟုီရ။

လပၚအလုႝအသ႘ပှာန္တံဂွ္ ဟြံဂြံလေလာင္ၾတး ဒဒွ္ရေဗာ္ဍဳင္မန္တဿိ ဟြံလုပ္အေဝါင္ေသှာဝ္ဏီရ။ အခိင္လုႝ ညးတံ လေလာင္လတူေဗာ္ဍဳင္မန္တဿိေရာဂွ္ေလဝ္ ဆိင္ဆေကတ္ ဟြံဒးဏီေရာင္ဂွ္ ညးတာလ်ိဳင္ေဗာ္ဍဳင္မန္တဿိမြဲတၜ ဟုီရ။

“ေဗာ္ဍဳင္မန္တဿိကုႝ အလုႝအသ႘ပှာန္တအ္ဂွ္ ေဒါံကၜဳင္ပန္ေပွာ္ ပြိဳင္ ၁၅ သှာံၾကပ္ရ။ ညးဍဳင္ကြာန္တံေလဝ္ ဟိုတ္ႏူေဗာ္ဍဳင္မန္ ေဒါံပန္ေပွာ္တုဲ ဂြံမံင္စံင္ ပႜဲသၛိဌာန္ဇကု ၐိုဟ္ၐိုဟ္ႀသိဳဟ္ႀသိဳဟ္ရ။ ဗြဲၾကဵဏံေလဝ္ ညးတံမိက္ဂြံမံင္ အတိုင္ဂွ္ပၜန္ရ။ သြက္ညးဍဳင္ကြာန္ဂွ္ ဟြံဘိုင္ခ်ပ္ကုႝအိုတ္ရဟာ” သာ္ဝြံ သှာဲဒါအလုႝအသ႘ မှဳံလတူဍဳင္ျဇပ္ဗုမြဲတၜ ဟုီရ။

ေဒါံပန္ေပွာ္လုီအာမၢး အတိုင္ေစှာန္ ညးေဇှာ္ကဆံင္လတူ ဒးလုပ္ေပါဲဗတိုက္တုဲ ေကာန္သၢံင္၊ အိန္ထံင္ေကာန္ဇာတ္ညးတံ ေကုာံ ညးဍဳင္ကြာန္တံေလဝ္ ဒွ္ကၜဳင္အခက္အခုဲမာန္ေရာင္ဂွ္ ဗၜာဲသဿိင္လတူဍဳင္မုဟ္ဍဳင္မြဲတၜ ဟုီရ။

ဟိုတ္ႏူဍာ္ဇတ္တဲု ရဲဒးဗၵဗၵါဲဒံဿင္ဍာ္တံ ဒွ္အခက္အခုဲ

မိစၜန္ထဝ္
ေမ ၁၇၊ ၂၀၁၀

ဍဳင္ေသံ ပြဳိင္ဍဳင္သင္ခလဗူရ႘ ကြာန္ဝင္က (ညးေကာ္ခဵစ ကြာန္မန္) ဂွ္ဝြံ ဟိုတ္ႏူကညင္ဂၜဳိင္ေသၛာဲ ဍာ္ဇတ္တဲု ဍာ္ကဿိဳန္ ညးဍဳင္ကြာန္တံ သုင္ေစာဲမံင္တံ ဟိုတ္ႏူဇတ္ကွ္အာဂွ္ရ ရဲဒးဗၵဗၵါဲမံင္ကႝုဍာ္ မပၲံ သၛိဖံင္၊ ေကုာံ ရဲတႝုလြ႘တံ ဒွ္အခက္အခုဲရ။

“ဍာ္ဇတ္မံင္ေတွ္ ဗီုကႝုပ႙ုတံ မှိဟ္ေကၜာန္စမံင္လတူဍာ္ေတွ္ ဒွ္အခက္အခုဲ၊ ဍာ္ဇတ္အာတဲု သဿဴဍာ္ေသွ္မံင္ ရိုဟ္ကှက္ တှံဆုတံ ေဍံမံက္တိုန္အိုတ္ေတွ္ မှိဟ္လိင္သၛိဖံင္တံေလဝ္ ဟြံမြဲရပုဟ္၊ ဟိုတ္ဂွ္ရ သၛိတၜဖံင္တံကီု ေဆင္စသုင္လၲဴသၛိဖံင္တံကီု ဟြံေျပျပံင္ေကြံေကြံပုဟ္” သာ္ဝြံ ညးဗၵဗၵါဲေကၜာန္စဒဿံင္ လၲဴဍာ္ ပြိဳင္ ၂၄ သှာံ မြဲတၜ ဟီုရ။

ဟိုတ္ႏူဍာ္ဇတ္ေစွ္အာတဿာဟလိုင္ဂွ္ရ ညးတႝုလြ႘ ဇိုင္ကဿိဳန္ဍာ္တံ သြက္ဂြံဂြံဍာ္ တံင္ေကတ္ကႝုစက္ဂွ္ ဒွ္အခက္အခုဲႏြံဒွ္ကၜာေလဝ္ ရဲဟြံမြဲကႝုစက္တံင္ဍာ္တံ ပႝုတဲု ဒွ္အခက္အခုဲေရာင္ ရဲတႝုလြ႘ဒဿံင္ေခှဝ္ေကဝ္ဗၵါဲကဿိန္ဍာ္ဂွ္ မြဲတၜ ဟီုရ။

ဍာ္ဇတ္မံင္ဗီုဏံဂွ္ ေလာန္ကၜဳင္ ၆ သှာံေတံေလဝ္ ေကင္ဒွ္ကၜဳင္လဝ္ႏြံကၜာေလဝ္ ဇတ္ဗီုလဿဳဟ္ဂွ္ မဲြအလန္ေလဝ္ ဟြံေကင္ဆႝုဏီပုဟ္ဂွ္ ရဲကြာန္ဝင္ကတံ အမ္သဝ္တဵဒဿံင္အိုတ္ရ။

“အခိင္ကညင္ေတွ္ ဍာ္ဇတ္မံင္အ႐ုိဟ္ဟ္သှာံရ၊ ဆဂး ဇတ္ဗီုလဿဳဟ္ဂွ္ ပ႙ုမြဲေလွ္ေလဝ္ ဟြံေကင္ဆႝုဏီပုဟ္” သာ္ဝြံ ကြာန္ဝင္ကဂွ္ မြဲတၜ ဟီုရ။

ေလာန္ကၜဳင္ ၂၄ သှာံေတံ အလႝုအသ႘ေသံတံ စသိုင္ခှံကၜဳင္ဍာ္ကဿိဳန္ ပႜဲခ႐ုိင္ကမၼရ႘ ပိြဳင္ဍဳင္ထံင္ေခှာန္ဂွ္တဲု ရဲေဒသမံင္ဒဿံင္လၸာ္သဿဴဍာ္ကဿိဳန္ မဒွ္ကြာန္ဝင္ကတံ အလံုကြာန္မြဲဂွ္ ဒးပဆုဲျပံင္တိုန္အာ လၲဴဒႝုအိုတ္ရ။

အခိင္ကညင္မၢး ဗှတ္ဗၐိုတ္ဍာ္ဂွ္ ၐိုတ္ ၁၀ ဟတ္ျပင္င္ ေသွ္တဵဒဿံင္ကီုေလဝ္ သှာံဏံဂွ္ ဗှတ္ၐိုတ္ ၅ ဟတ္ျပင္င္ရ ေသွ္ဒဿံင္ေရာင္ ဂြံတီေကတ္ရ။

ကြာန္ဝင္ကဝြံ ႏြံဒဿံင္ပယ်ဳႝဍဳင္ေသံ-ဗဿာ ကရပ္ကႝုဍဳင္က်ာ္ပိတဲု အလံုဍဳင္ေသံမြဲဂွ္ နဒဒွ္ ဒဒန္ဆုဂၜိင္အိုတ္ ႏြံမံင္တဲု ဒယွ္ေတွ္ကၜဳင္ အလံုဍဳင္မြဲရ။ ေကာန္ဂကူမန္ဗြဲမဂၜိဳင္ တန္တဵဒဿံင္တဲု ေကာန္ဂကူကေရင္၊ ဂကူေသံတံေလဝ္ တန္တဵဒဿံင္ကီုရ။

Monday, May 17, 2010

ညးေဇှာ္ကြာန္ဝင္က ပံက္႐ုင္စက္ဇိင္ေဗႅာံဂေကာံ သြက္ညးေဒသ

မိလ်းထဝ္
May 17, 2010

ညးေဇှာ္ကြာန္ဝင္ကတံ ရန္ကႝု ေကာန္ကြာန္ညးတံ ဂြံေကၜာန္အာကေမၜာန္မာန္ဂးတဲု အာတ္မိတ္ဏာ ႏူကႝု႐ုင္ကေမၜာန္သြံမံင္ေဗႅာံ ပႜဲဖ်ာ (Lotus) လၲဴဍဳင္ၐင္ကံက္ေတံ သြက္ဂြံပံက္ကႝု႐ုင္စက္ရ။

ပႜဲဂိတုေမ ၁၂ ဏံဂွ္ ႏူညးေဇှာ္ကြာန္တဿိ (မိန႘)၊ ညးအုပ္ကာ မရာန္ယာ ေကုာံ ညးေဇှာ္ အရာပ္ၐါတၜတံ ေကာ္ေကာံဓ႐ုီ ကု ညးဍဳင္ကြာန္ သြက္ဂြံခ်ပ္စ ပ႐ူပံက္႐ုင္စက္တဿိ ပႜဲဒှာဲ႐ုင္စက္ေၾတံ ကဿာတ္ေထာံလဝ္ကၜာေတံဂွ္ရ။

“႐ုင္စက္တဿိ သြက္ဂြံပံက္လဿဳဟ္ဏံဂွ္ ဒးကႝုအကံက္ေအာန္ႏူကႝု ကေမၜာန္ကုမၼဏ႘ဏီရ၊ မုဟိုတ္ဟီုေတွ္ ညးတံပံက္လဝ္ သြက္ရဲကြာန္ ဒုင္လဝ္ယဿဳ ကေမၜာန္ဂေကာံကြာန္ရ၊ ရန္လဝ္ဂွ္ေလဝ္ သြက္ဂြံဒွ္အာ တမ္႐ိုဟ္ကေမၜာန္ရဲကြာန္တံရ၊ ရဲအာေကၜာန္စမံင္လၲဴဍဳင္တံဂွ္ မြဲတၛဲ ဂြံ ၂၀၀ ၐါတ္ဂွ္ စရိတ္ဗၵမ္၊ ဍာ္၊ ပဿတ္တံကႝုတဲု သြက္ဇကု မုဟြံေသွ္ပုဟ္ ဟိုတ္ဂွ္ရ ညံင္ရဲကြာန္တံ ဟြံဒးအာေကၜာန္စ လၲဴဍဳင္ကီုတဲု ညးတံပံက္ကႝု႐ုင္စက္ဏံရ” သာ္ဝြံ ညးေဇှာ္အရာပ္ ပႜဲကြာန္ဝင္က ဟီုရ။

ၐိုန္ဂွ္ကီုေလဝ္ ႐ုင္စက္တဿိဏံဝြံ စရိတ္ ဍာ္၊ ပဿတ္ ေကုာံ စရိတ္သြက္ဂြံမင္စက္တံဂွ္ ရဲဇိင္စက္တံံ
ဒးပတိတ္ဖအိုတ္ေရာင္။ ကေမၜာန္ဝြံ ဟိုတ္ႏူဒွ္ဒဿံင္ကေမၜာန္သြက္ရဲကြာန္တံတဲု ႏူကႝုကုမၼဏ႘တံဂွ္ ၐိုတ္ေဍံလိင္ကႝုရဲကြာန္တံဇိင္ရ ဆဂး ဗီုလႝုေဍံကႝုစရိတ္ဂွ္ ဟြံခ်ိဳတ္ပၜိဳတ္ဏီရ၊ ဆႝုကေမၜာန္ေဍံတဲုမွ ဂြံပတန္ငၛဳဟ္ဒး သာ္ဝြံ ညးဆက္ဟီုရ။

ဒးကႝု စရိတ္အိုႆီုတံဂွ္ ဒွ္တိုန္တင္ ဟြံတုပ္စိုတ္ႏြံရ။ ရဲကြာန္ညးမတိုန္စိုပ္ေကာံဓ႐ုီတံဂွ္ အာတ္မိက္ ကႝုလၸာ္ကုမၼဏ႘တံ ပတိတ္ကႝုကဝက္ ရဲကြာန္တံ ပတိတ္ကႝုကဝက္ရ။ “ယဝ္ခါရ ပ႙ုဒးကႝု စရိတ္ဖအိုတ္ေတွ္ သြက္ပ႙ု ဂြံစပႜဲသၛိဂွ္ေတွ္ ေဍံဟြံ႐ုမ္ဂပ္ရ၊ လဿဳဟ္ဂွ္စရိတ္ပဿတ္ဂွ္ေလဝ္ တိုန္ကၜဳင္မံင္ရ” သာ္ဝြံ မှိဟ္ေကင္ဇိင္လဝ္စက္မြဲတၜ ဟီုရ။

သြက္ဂြံေကၜာန္ပႜဲ႐ုင္စက္တံဂွ္ ညးတံပၚလဝ္ သြာင္ၐိုတ္ ၆ သြာင္ရ၊ မြဲသြာင္မဂး မှိဟ္ၐိုတ္ ၂၀ တၜပါရ။ ႏူကႝု ကုမၼဏ႘ေတံဂွ္ ကၜဳင္မှိဟ္ပိတၜတဲု ၐါတၜဂွ္ သြက္ဂြံေဗၲာန္ကႝု ရဲဇိင္စက္ဟြံေလပ္ဏီတံဂွ္ရ။ ေသွ္မြဲတၜဂွ္ သြက္ဂြံစဿ႘စဿတ္ကေမၜာန္ရ။ မြဲသြာင္မၢး ညးတံ ဗေတာန္ကႝု ပြိဳင္စွ္တၛဲရ။ ညးတံပတိတ္လဝ္ေသှာဝ္မြဲဂွ္ေတွ္ အပႜဲကႝုမြဲဂေကာံဂွ္ ယဝ္ခါရ မှိဟ္လႝုမြဲဟြံ႐ုဲ အတိုင္ညးေဗၲာန္လဝ္ ေပင္အာပိအလန္တဲု ဟြံေလပ္ဏီမၢး ညးတံဟြံဒုင္တဲ ဒးတိတ္ႏူကေမၜာန္ေရာင္ ညးအုပ္ကာ ေကၜာန္ဗဒွ္ေကာံဓ႐ုီ မရာန္ယာ ဟီုရ။

စက္ဇိင္ေဗႅာံတံသီုဖအိုတ္ဂွ္ ဒွ္ဒဿံင္စက္တဿိတဿိ ႏူကႝုကုမၼဏ႘ေတံ ပတိတ္လဝ္ကႝု တမ္တဲု ညးကႝုလဝ္အေခါင္ ပြိဳင္ပိသှာံ သြက္ဂြံကေလင္ေလဲကႝု ညးတံရ။ ယဝ္ခါရ သဿာကေမၜာန္တံ ဇိင္ဂြံေဗႅာံမြဲဂတး တင္တဵကႝုငၛဳဟ္ေဍံ ၁၂ (ဟြံေသင္) ၁၅ ၐါတ္ ဒွ္ဒွ္ ႏူကႝုညးကႜဳိက္ပ္ကေမၜာန္မြဲ ဗက္ပေကာံေကတ္ မြဲတၛဲ မြဲၐါတ္ရ။ လႈဲတံဂွ္ သြက္ဂြံကေလင္ေလဲငၛဳဟ္စက္ရ။ ေျပျပံင္အိုတ္တဲု စက္တံဂွ္ ဒွ္စက္ဂေကာံ ရဲကြာန္တံရ။ ဆဂး လႈဲမြဲတၛဲ မြဲၐါတ္ဂွ္ ညးေဇှာ္ဂွ္ ကံက္ေကတ္မံင္အတိုင္ေၾတံဂွ္ပၜန္ရ။ လႈဲတံဂွ္ သြက္သဿာကေမၜာန္ပႜဲဂေကာံတံ ညးလႝုမြဲဟြံဟီု ဂိယဲကီု၊ ဒွ္ပေရင္အခက္အခဲုပႜဲသၛိ မပၲံ သြက္ေကာန္ဇာတ္ ဂြံတိုန္ဘာတကၠသႝု လႈဲဟြံ႐ုမ္ဂပ္တံဂွ္ ဂြံထံက္ပင္ကႝု ရန္လဝ္ေရာင္ သာ္ဝြံ ညးဆက္ဟီုရ။

ရဲလုပ္ေကၜာန္ဇိင္စက္တံဂွ္ ၐါတ္ေသံ၊ ၐါတ္စွ္သှာံ၊ (passport) ၐါတ္ေကၜာံဍဳင္ႏြံတံဂွ္ေလဝ္ လုပ္ေကၜာန္ဂြံမံင္ဖအိုတ္ရ။ ဂိတုေဂ်ာန္ဏံမၢး စထမံက္႐ုင္ရဵေရာင္ဂွ္ေလဝ္ ဟီုလဝ္ပႜဲေကာံဓ႐ုီရ။

႐ုင္စက္ေၾတံေတံဂွ္ ဟိုတ္ႏူပေရင္ခက္ခုဲနာနာသာ္တဲု ကဿာတ္ေထာံလဝ္ ႏူသှာံ ၂၀၀၆ ေတံရ။ ကေမၜာန္ဂွ္ေလဝ္ ဒွ္ဒဿံင္ကေမၜာန္စက္ကုမၼဏ႘ရ။

Sunday, May 16, 2010

အလုႝအသ႘ပှာန္ ဆက္သ႘ကၜ႘ သၢဳတ္သြာတ္ေဗာ္ဍဳင္မန္တဿိ

အာကာ၊ ေလာဲထဝ္

ေဗာ္ဍဳင္မန္တဿိ ေကုာံ ေဗာ္ေဒံါလဝ္ပန္ေပွာ္တှဟ္ဟ္တံ ဗြဲမပိုတ္သၠဳတ္ ကုႝဏာသြဟ္ ကုအလုႝအသ႘ပှာန္ ဟြံဒုင္သၸပှာန္မင္ကြာန္ကုီေလဝ္ အလုႝအသ႘ပှာန္ ဆက္သ႘ကၜ႘မံင္ လတူသၢဳတ္သြာတ္ ဂေကာံေဒံါပန္ေပွာ္တံရ။

ေဗာ္ဍဳင္မန္တဿိကုီ၊ ဂေကာံေဒံါလဝ္ပန္ေပွာ္ မပၲံ ဝ၊ ေအတ္သ္သ္ေအ (သဿဝ္က်ာ)၊ ေကအာင္အဝ္၊ မာင္ဠာတံကုီ ဒပ္ပှာန္ညးကုႝညး ကုႝလဝ္သြဟ္ ဒဒွ္ရ ဟြံဒုင္သၸ ပှာန္မင္ကြာန္ ပႜဲေအဗရာ ၂၂ တုဲကၜဳင္ဂွ္ရ။

ဟြံဒုင္သၸပှာန္မင္ကြာန္မၢး ပႜဲစဿတ္တၛဲ ၂၈ ဂွ္ လေလာင္ၾတး နဒဒွ္ဂေကာံ ဟြံဗဗြဲဓရ္ေရာင္ ၐိုန္အလုႝအသ႘ပှာန္တံ ဟုီလဝ္ကၜာေလဝ္ စုႝကုႝအခိင္လဿဳဟ္ မြဲဂေကာံေလဝ္ ဟြံဒးဒုင္လေလာင္ဏီရ။

“ေဍံဟြံလေလာင္ၾတးဂွ္ ရံင္ေကတ္ဗုီေတွ္ ေဍံဆက္တံင္အခိင္တုဲ မိက္ဂြံတံင္ျဂဲ အတိုင္ပဿိက္စိုတ္ေဍံပၜန္ေဏာင္” ရဵသာ္ဝြံ ဒုဥကၠ႒ေဗာ္ဍဳင္မန္တဿိ နာဲရႆ ဟုီရ။

ၾကဵႏူေဗာ္ဍဳင္မန္တဿိ ကေလင္လဝ္လိက္ ဒဒွ္ရ ဟြံဒုင္တဲ ဒပ္ပှာန္မင္ပယ်ဳႝတုဲဂွ္ ဒုသၠိဳပ္ပှာန္ေဇှာ္ေယ်ဝ္ေမ်တ္ ကေလင္လဝ္ပ႐ိုင္ကုႝ ေဗာ္ဍဳင္မန္တဿိ “သၢဳတ္သြာတ္ေဗာ္ဝြံ ဟြံကၜးေကြံေကြံတုဲ လကၠရဵ ဆက္က်ာ ညးသၠအ္ပၜန္၊ မံင္အတိုင္ေၾတံပၜန္ညိ၊ ေကာန္ေဗာ္ ပႜဲ႐ုင္လတူဍဳင္ေတံေလဝ္ ဆက္မံင္ဗုီေၾတံညိ” သာ္ဝြံေရာင္ဂွ္ ေကင္ကာေဗာ္ဍဳင္မန္တဿိမြဲတၜ ကေလင္လဵထၞးရ။

“ေဍံဟြံမိက္ဒုင္ပလုီ ေဒံါပန္ေပွာ္ဏံကုီပုဟ္၊ မြဲလၸာ္ဂွ္ ေသှာဝ္ေဍံေလဝ္ ေဍံဟြံမိက္ဒုင္လုီပုဟ္” သာ္ဝြံ ေကင္ကာဂွ္ ဟုီရ။

"ပႜဲကုႝဍဳင္ဗဿာ ဒပ္ပှာန္မြဲဒပ္ေဟင္ ဒးႏြံေထက္ေရာင္’ လတူလညာတ္ဂွ္ နကုႝေဗာ္ဍဳင္မန္တဿိ ဒုင္တဲမာန္ကုီေလဝ္ လုကဵဍဳင္ဗဿာ ဟြံျပံင္လွာဲဏီ အခိင္အကာဲအရာ ပေရင္ဍဳင္ကြာန္တၛဲဏံ သြက္ဂြံ႐ုပ္ေကၜံ ဒပ္ပှာန္ဗၜးၐးေကာန္ဂကူမန္ဂွ္ ဒုင္တဲဟြံမာန္ေရာင္ သာ္ဝြံ ညးမှဳံအေခါင္ဟုီဂး ေဗာ္ဍဳင္မန္တဿိ နာဲဆုႝမန္ ဟုီဏာ ပႜဲေပါဲေသာင္ကလးလိက္ပ႐ိုင္ရ။

ပေရင္တဵတက္ၐိုဟ္လလမ္ ေကာန္ဂကူေကာန္ဍဳင္အရင္ ေကာန္ညးဍဳင္ကြာန္တံဂွ္ တန္တဵမံင္ လတူကႜိဳပ္သၠိဳပ္အလုႝအသ႘ပှာန္တံရ။ နကုႝေဗာ္ဍဳင္မန္တဿိဂွ္ မိက္ဂြံဒက္ပၲန္ ပေရင္ကေလင္ဆာန္ကဿိန္ေရင္သၠအ္ အၾကာအလုႝအသ႘ပှာန္ကုႝ ေကာန္ဂကူေကာန္ဍဳင္အရင္တံတုဲ မိက္ဂြံေသာင္ကလး ပေရင္ဍဳင္ကြာန္၊ မိက္ဂြံကုႝ ကႜိဳပ္သၠိဳပ္အလုႝအသ႘ပှာန္တံ ကေလင္ခ်ပ္ဗၥာ ဗြဲမျဇိဳဟ္နက္ေရာင္ဂွ္ ႏူကုႝႝေဗာ္ဍဳင္မန္တဿိ ဆက္ဗတိုက္ဖေအာဝ္လဝ္ ကႜိဳပ္သၠိဳပ္အလုႝအသ႘ပှာန္တံ ႏြံရ။

ၾကဵႏူေဗာ္ဍဳင္မန္တဿိ ကေလင္လဝ္လိက္ကုႝ ဌာန္ဂဥဳပ္ပှာန္ရးဒိုဟ္အဂှဲတုဲဂွ္ အၾကာေဗာ္ဍဳင္မန္တဿိကုႝ အလုႝအသ႘ပှာန္တံ ပေရင္ဆက္ေဆာံ ၾကံင္မၛိဳဟ္ကၜဳင္တုဲ ေဗာ္ဍဳင္မန္တဿိေလဝ္ မၛဳဟ္လဝ္ ဒပ္ပှာန္ဗၜးၐးေကာန္ဂကူမန္ ညံင္ဂြံပေဠဝ္ပေလတ္လဝ္ ပှာန္ဇကု ဒပ္ညးကုႝညး ခ႐ိုင္ညးကုႝညးရ။ သၢံင္ေဒံါဇူလဝ္တံေလဝ္ ညံင္ဂြံကေလင္စဵကၜဳင္ ေဗာ္ဍဳင္မန္တဿိပၜန္ဂွ္ ေဗာ္ဍဳင္မန္တဿိ ကုႝလဝ္ေစှာန္ရ။

ေဗာ္ဍဳင္မန္တဿိဝြံ ရန္တဿံသြက္ဂြံေသာင္ကလးပေရင္ဍဳင္ကြာန္ ကုအလုႝအသ႘ ဒ႘မဝ္ကေရျဇ႘တိုန္တဿိတုဲ ေဒံါလဝ္ပန္ေပွာ္ ကုအလုႝအသ႘ပှာန္ ပႜဲသှာံ ၁၉၉၅ ရ။

Wednesday, May 12, 2010

ညးဒွ္ဒဒိုက္မန္တံ ကေလင္စဵဒဿံင္ကြာန္ယ်

Wed 12, May 2010
မိစၜန္ထဝ္

မှိဟ္ၿဂိပ္ပဲါတိတ္ကၜဳင္ ႏူတိဍာ္ေဗာ္ဍဳင္မန္တဿိ ဇူတဵဒဿံင္ ေဒသပယ်ဳႝ ေသံ-ဗဿာ ပႜဲဗဒပ္ဟံင္ၿပာ္ ခလံက္ခန႘တံဂွ္ ကေလင္စဵအာ ဌာန္ေဒသညးတံညိညယ်ေရာင္ ဂြံတီေကတ္ရ။

ဟိုတ္ႏူ ပဋိပကၡ အၾကာေဗာ္ဍဳင္မန္တဿိကႝု အလႝုအသ႘ပှာန္တံဂွ္ သၛိတ္ျဇမံင္ကီု၊ သီုဒွ္ထဓဝိင္ကႝု ကၜအ္သြဝ္ညးတံတဲု ညးတံ ကေလင္စဵဌာန္ညးတံရ။ ညးေဒသၿဂိပ္စိုပ္မံင္ ၆၀၀ တၜျပင္ဂွ္ လဿဳဟ္ကေလင္စဵအာ ၂၀၀ တၜ ဒွ္ဒဿံင္ယ်ေရာင္ ကမၼတ႘ဟံင္ျပာညးဒွ္ဒဒိုက္ဍဳင္မန္ ပႜဲဗဒိုပ္ခလံက္ခန႘ မြဲတၜဟီုရ။

“မြဲတၛဲေတွ္ ၂ အိန္ထံင္၊ ၃ အိန္ထံင္ စဵမံင္၊ လဿဳဟ္ပႜဲခလံက္ခန႘ဂွ္ လဿိဟ္မှိဟ္ ေသွ္မံင္ ၂၁၄ တၜ၊ ပႜဲကြာန္ဗလးဒုန္ဖာ္ဂွ္ ၂၀၀ တၜရ ေသွ္မံင္၊ မှိဟ္စဵအာတံဂွ္ ညးတံဂြိင္ကႝု ကၜအ္သြဝ္ညးတံကီု ဟုိတ္ဂွ္ရ ညးတံစဵအာ” သာ္ဝြံ ကမၼတ႘ဂွ္ ဟီုရ။

ညးဒွ္ဒဒိုက္ၿဂိပ္ဒဵ ေသွ္ၐက္မံင္တံဂွ္ဝြံ ညးတံစဵအာတဲုမွ ဂြိင္ေဖာက္ပှာန္ဒွ္ကၜဳင္ဂွ္ရ မင္ရံင္အကာဲအရာတဲု ညးတံဆက္ဗဒမံင္ ပႜဲဗဒိုပ္ဟံင္ၿပာ္ဟလံက္ခန႘ဂွ္ဖိုဟ္ရ။

“စဵအာတဲုမွ ဂြိင္ေဖာက္ဒွ္ပှာန္ေလဝ္၊ ၐိုတ္ႀသိဳဟ္အိုတ္မွ ပ႙ုစဵေဏာင္” သာ္ဝြံ ညးၿဂိပ္ဒဵ ဇူမံင္ပႜဲဘာဗေတာန္လိက္ဟလံက္ခန႘ဂွ္ ဣစ႘မြဲတၜ ဟီုရ။

သြက္ညးၿဂိပ္ဒဵတံ ဂြံစသုင္ဂွ္ ႏူကႝု ဂေကာံ႐ီုဗင္ထံက္ပင္ပယ်ဳႝ TBBC တံ ထံက္ပင္ကႝုဒံဿင္သၛဳဂွ္ လဿဳဟ္ညးတံ ေဒံါဇူေထာံအာယ်ေရာင္ ေကာန္ဂေကာံကမၼတ႘ဟံင္ျပာ္ဂွ္ ဟီုရ။

“TBBC ဂွ္ ေဍံတံထံက္ပင္မံင္ မြဲတၛဲေတွ္ သၛဳ ၁ ႐ုိက္၊ ဆဂး စဿတ္တၛဲ ၆ တဲုကၜဳင္ဏံဂွ္ ေဍံတံစထပုိတ္ေထာံ ပေရင္ထံက္ပင္ဂွ္ရ၊ ႏူကႝုပ႙ု ကေလင္အာတ္မိက္တဲု ေဍံတံကေလင္ကႝု သြက္ ၃ တၛဲပၜန္၊ မှိဟ္တၜဒဒိုက္တံေလဝ္ ေအာန္ေစွ္မံင္ရေတွ္ သြက္ဂြံစဂွ္ ေဍံေျပျပံင္အာမံင္ရေလဝ္၊ မုဟိုတ္ေဍံတံ ဂြံထပုိတ္ေထာံ ပေရင္ထံက္ပင္ဂွ္ေရာဂွ္ ပ႙ုေလဝ္ ဟြံတီပုဟ္” သာ္ဝြံ ေကာန္ဂေကာံဂွ္ ဟီုရ။

ေဗာ္ဍဳင္မန္တဿိဂ္ွ အတိုင္အလႝုအသ႘ပှာန္တံ အာတ္မိက္ကၜဳင္လဝ္ သြက္ဂြံၿပံင္သၜာဲ ဒပ္မင္ကြာန္ဂွ္ တးပဲါေထာံကၜဳင္ေပင္ေပင္တဲုရ။ အတိုင္အလႝုအသ႘ပှာန္တံ အာတ္မိက္လဝ္ဂွ္ ဟြံဒုင္တဲမၢး ပေရင္ဆက္ေဆာံအၾကာေဗာ္ဍဳင္မန္တဿိကႝု အလႝုအသ႘ပှာန္တံဂွ္ ဒွ္အာ အတိုင္ကၜာဟြံဂြံေဒံါပန္ေပွာ္ေတံမာန္မံင္ေဏာင္ ဒုသကိုပ္ဒိုဟ္ရးအဂှဲေယ်ဝ္ေမ်တ္ ဟီုကၜဳင္လဝ္ ပႜဲဧၿပ႘ ၇ တုဲကၜဳင္ေတံကီုေလဝ္ ဒႝုကႝုအခိင္လဿဳဟ္ မုဟြံေတဿင္ကၜဳင္ဏီရ။ ဟိုတ္ဂွ္ရ ညးဒဒိုက္ ၿဂိပ္ဒဵစိုပ္ပယ်ဳႝတံေလဝ္ ကေလင္စဵအာ ဌာန္ေဒသ ညးတံညိညရ။