တၛဲေကာန္ဂကူမန္ ၆၃ ဝါ ပႜဲယူထုပ္ (youtube)

Mon 01 Mar 2010, တာရာမန္၊ ဝွတ္ဝိင္
ယဝ္မှးဂၜာဲပံက္ဗုႝ ပႜဲယူထုပ္ youtube တုဲ တက္စုတ္တၛဲေကာန္ဂကူမန္ မရနဳက္ကုႝ ၆၃ ဝါ နကုႝဘာသာေအန္ဂလိက္မၢး သဘင္ကှာတၛဲေကာန္ဂကူမန္ အလုံလိုက္မြဲ မပတံဍဳင္အေမရိကာန္၊ ေအန္ဂလာန္၊ ဂ်ာမန႘တအ္ မံက္တိတ္ကၜဳင္တုဲ ဗြဲမသႜဳိက္မၜဳိက္ကုႝဂၜမ္စိုတ္ မှးဗုႝလဟိင္စိုတ္ အစ႘အဇန္ဂမၜဳိင္မာန္ရ။ ဆဂး တင္ဍဳိန္လ်မြဲဂွ္ သဘင္ကှာမေကၜာန္ဗဒွ္ ပႜဲဍဳင္မန္ ျဇဟတ္ေဇှာ္အိုတ္တအ္ဂွ္ ဟြံဂံြဆုႝေကတ္ ျပဟ္ဟ္ဏီရ။ ဟိုတ္နဴမ႘ဒ႘ယ်ာဗၜးၐးဟြံမြဲ ပႜဲဍဳင္ဗဿာဂွ္တုဲ ဗြဲမဂတာပ္အခိင္ ပတုိန္စြံ ပႜဲယူထုပ္ ဟြံမာန္ရ။ အယာံမာတ္ပႜဲယူထုပ္သဿးဟြံက ဌာန္ေဒသညးတအ္ ေကၜာန္လဝ္တအ္ဂွ္ ညးတံစုတ္လဝ္ကုႝကဝးကုီ၊ ဂေကာံပမတံမ႘ဒ႘ယ်ာမန္တအ္ ပံင္ေကာံပေရင္ခ်႘ဒရာင္ တၛဲေကာန္ဂကူဖအိုတ္တုဲ ပတိတ္လဝ္ကဝးကုီဂွ္တုဲ အခိင္ဒးစိုတ္ ပံက္ဗုႝေကတ္မာန္ကုီရ။ မန္စိုပ္ဍဳင္ပလိုတ္တံ အခိင္ကေမၜာန္ညးတအ္သၜး ညးတအ္ ပံက္ဗုႝပေရင္ခ်႘ဒရာင္ တၛဲေကာန္ဂကူညးတအ္ဂၜဳိင္ရ။

ပႜဲအခိင္ကာလ မာ္မြဲေစြက္ဏံဝြံ မန္စိုပ္ဍဳင္မၛးတအ္ ဒှာဲလုႝႏံြဒဿံင္ေရာ ဍဳင္လုႝႏံြဒဿံင္ေရာဂွ္ ဂြံဆုႝေကတ္မာန္ရ။ ပတြဳႝနဴ ေလာန္ကၜဳင္ၐိုတ္ၐါေစွာ္သှာံေတံ ဂကူမန္ပု႙ နကုႝဘဝညးဒဒိုက္ဒဵပှာန္ အာေဖ်ံသဇိုင္ ဍဳင္ပလုိတ္အိုတ္ဂွ္တုဲ နကုႝျဇဟတ္ညးကုႝညး ၐိုတ္ႏံြဂွ္ ေကၜာန္ဗဒွ္တၛဲေကာန္ဂကူအိုတ္ရ။ ရံင္ကုႝစင္တၛဲေကာန္ဂကူကုီ၊ အစ႘အဇန္ပေရင္ခ်႘ဒရာင္ညးတအ္ကုီတုဲမၢး ျဇဟတ္ညးတအ္ ႏြံဂလိုင္လုႝဂွ္ ေတာ္ဆဒးကုီရ။ လဿိဟ္ေကာန္ဂကူမန္ မတိုန္စိုပ္တအ္ဂွ္ ဂြံဆုႝေကတ္ဍဳင္ေသံကုႝ မေလသၽွာဂၜဳိင္ဂွ္တုဲ ဒဒွ္ရေကာန္ဂကူမန္ မစိုပ္ဍဳင္တအ္ဂွ္ဂၜဳိင္ဂွ္ ေတာ္ဆေကတ္မာန္ကုီရ။

ပႜဲကဿိန္ဍဳင္အေမရိကာန္ဂွ္ ၾကပ္ဒွ္ဇဿာပ္သၛိ ကဝးသ႘ဒ႘ တၛဲေကာန္ဂကူညးတအ္ ႏံြအိုတ္ရ။ ပႜဲေဆင္ဖ်ာမန္ ပႜဲကဿိန္ဍဳင္အေမရိကာန္တအ္ဂွ္ ကဝးမန္နာနာသာ္ ရာန္ေကတ္မာန္ဂွ္တုဲ ရံင္ကုႝငၛဳဟ္မးပၜန္ေလဝ္ ဟြံဍင္ေကြံေကြံ ဇဿာပ္မှိဟ္ ရာန္မာန္အိုတ္ရ။ ပႜဲဇဿာပ္ပ္သၛိမန္ဂွ္ ကဝးၐိုတ္မသုန္ေစွ္ာမ ႏံြဂွ္တုဲ ဗြဲမဂၜဳိင္ကဝးတအ္ဂွ္ စပ္ကုႝေကင္ကာဂကူမန္ ဂၜဳိင္ရ။ ေဆင္ဖ်ာမန္ၐါမ ပႜဲေဒသဝွတ္ဝိင္၊ ရးေအန္ဒ႘ယ်ာဏာ ေကုာံ ဖ်ာမန္မြဲမ ပႜဲအျခန္၊ ရးအုႝဟဲာအုႝတအ္ဂွ္ ကဝးမန္နာနာသာ္ ရာန္ေကတ္မာန္ဂွ္တုဲ ျပဟ္ဟ္ဏံ ဖ်ာနာဲသာင္မန္ ပႜဲရးအုႝဟာဲအုႝဂွ္ လိက္ပ႐ိုင္သှံင္တိုင္ေလဝ္ ရာန္ေကတ္မာန္ကုီရ။

အခိင္ကာလေကာန္ဂကူမန္ မှဳံမၛးဍဳင္ဗဿာတအ္ မိပ္လဟိင္ကုႝ ပံက္ဗုႝသဘင္ကှာတၛဲေကာန္ဂကူမန္ နဴဍဳင္ေတံ ဍဳင္ဏံအလုံလိုက္မြဲ ၾကဵနဴေကၜာန္ဗဒွ္သဘင္ကှာတုဲဂွ္ ေကာန္ဂကူမန္အပႜဲဍဳင္မန္တံ ဟြံဂြံမိပ္ျမဟ္အခိင္ဂွ္ရ။ ေကာန္ဂကူမန္ မစိုပ္ဍဳင္ဇိုင္ဝုတ္ဒိုဟ္ ေကုာံ ဍဳင္မၛးတံ ပေရင္ခ်႘ဒရာင္ တၛဲေကာန္ဂကူညးတအ္ဂွ္ ညးတံပတုိန္စြံလဝ္ ပႜဲယူထုပ္ဂွ္တုဲ စိုပ္အခိင္သၜး ဂြံအခိင္ဂွ္ ပံက္ဗုႝအိုတ္ရ။ သဿတ္တအ္ ဂြံဆုႝေကတ္ ႐ုပ္ညးတအ္ စုတ္စြံလဝ္ ပႜဲယူထုပ္ဂွ္တုဲ ပံက္ဗုႝဒဿံင္ မြဲဏွမြဲဏွအိုတ္ရ။ ညးတံဟုီလဵထၞးစကုႝ သကအ္ရဲညးတအ္ ပႜဲဍဳင္ညးတအ္ တန္တဵဂွ္တုဲ သကအ္ရဲညးတအ္ေလဝ္ ဂြံဆုႝေကတ္ ပေရင္ခ်႘ဒရာင္ညးတအ္အိုတ္ကုီရ။ ကေမၜာန္ညးတအ္ ေကၜာန္ေရင္တၜဳင္ဂွ္ ဇကုဇကုညးတအ္ ကေလင္ေကတ္ဂုန္စရာဲအိုတ္ဂွ္တုဲ ဒွ္ဟိုတ္ျဇဟတ္ဂြံေဇှာ္အာ ဟုီမာန္ရ။ ဟိုတ္နဴဂြံဆုႝေကတ္ မန္စိုပ္ဍဳင္မၛးတအ္ ေကၜာန္ဗဒွ္တၛဲေကာန္ဂကူ ဗုီညးဗုီအဲဂွ္တုဲ ညးတအ္ဒွ္ျဇဟတ္စိုတ္ ေဇှာ္ကႝုျဇဟတ္အိုတ္ရ။ ယင္ဝြံဂွ္ ဒွ္ဟိုတ္ျဇဟတ္ေကာန္ဂကူမန္ ဂြံေဇှာ္အာ ဂြံည႘သဿဟ္အာ ဟုီမာန္ရ။

မန္စို္ပ္ဍဳင္မၛး ေကုာံ ဍဳင္ဇိုင္ဝုတ္ဒိုဟ္တအ္ဂွ္ ပေရင္ဒတူလုိင္ ပေရင္ဍဳင္ကြာန္မန္ တုပ္သဿဟ္ဒဿံင္ဂွ္ ဂြံဆုႝေကတ္ပၜန္ရ။ လိက္လေလာင္ၾတး တၛဲေကာန္ဂကူမန္ဂွ္တုန္ မန္စိုပ္ဍဳင္ဇိုင္ဝုတ္ဒိုဟ္တအ္ကုီ၊ ဍဳင္မၛးတအ္ကုီ ပံင္ေကာံပတိတ္ကၜဳင္ဒဿံင္ ဇဿာပ္ပ္သှာံဂွ္ ဂြံဆုႝေကတ္ရ။ ပႜဲသဿဝ္ပံင္ေကာံမန္စိုပ္ဍဳင္မၛး အုႝအာမ္သ႘သ႘ OMCC ဂွ္ ညးတအ္ဒတူလိုင္ ေကာံေကာံကေလာံကေလာံဂွ္တုဲ နကုႝဂေကာံဂွ္ ႐ုဲစွ္ညးစှးတုဲ ပလံင္ဗစိုပ္လဝ္ ဇေရင္အာမ္ေအယူ ႏံြကုီရ။ ပႜဲကဿိန္ဍဳင္အေမရိကာန္ဂွ္ ေကာန္ဂကူမန္တအ္ ဗြဲမည႘သဿဟ္ ခ်႘ဒရာင္ဒဿံင္ ပႜဲအာမ္အာသ႘၊ ေဗာ္ကေလင္ဒက္ပတန္ဍဳင္မန္ဂွ္တုဲ ျဇဟတ္ခိုင္ဒဿံင္ ၐိုတ္ဒးရးရ။ သြက္ေကင္ကာအာမ္အာသ႘ အဓိကနာနာတအ္ဂွ္ ေကင္ကာညးတအ္ ဗြဲမဂၜဳိင္ ဒုင္လဝ္သဇိုင္ကုႝ ရးတအ္ဂွ္ ေကာပ္ကာဲဒဿံင္အိုတ္ဂွ္တုဲ သြက္အုႝအာမ္သ႘သ႘ဂွ္ ညးတအ္႐ုဲစွ္လဝ္ ညးစှးကုီရ။ နဴကုႝေဒသဍဳင္တအ္ဂွ္ ႐ုဲစွ္ညးစှးတုဲ ဒက္ပတန္အုႝအာမ္သ႘သ႘၊ နဴဂွ္ပလံင္ညးစှးညးတအ္ပၜန္ သြက္အာမ္ေအယူဂွ္တုဲ ပေရင္ဍဳင္ကြာန္မန္ဂွ္ ဒဒွ္ရ ဒုင္လဝ္သဇိုင္ကုႝ ဂေကာံသဇိုင္မွာဇန္ေကာန္ဂကူမန္တအ္ေရာင္ဂွ္ ဟုီမာန္ကုီရ။ ပေရင္ဍဳင္ကြာန္မန္ဂွ္ ယဝ္ဟြံဒက္ပတန္လဝ္ နကုႝသဇိုင္သဿဝ္ ကဆံင္ကဆံင္မၢး အာဍာ္ဇမၜိင္ နကုႝျဇဟတ္ေဇှာ္ေဇှာ္ ဟြံမာန္။ ေကာန္ဂကူမန္ ပႜဲေဒသရးဍဳင္ညးတအ္ ပဒတဵတအ္ ညံင္ဂြံကၜဳိဟ္ပေရင္ခ်႘ဒရာင္ညးတအ္ သြက္ေကင္ကာေကာန္ဂကူမန္ဂွ္ ညးစှးေဒသတအ္ဂွ္ ဂပ္ဝ္ေထက္ကုႝ ဒးကေလင္ဒုင္စ႘ေရင္ေသာင္ကလးရ။ ေဗာ္ပေရင္ဍဳင္ကြာန္မန္ အပႜဲဍဳင္တအ္ဂွ္ေလဝ္ ဂပ္ဝ္ဒးဒက္ပတန္လဝ္ နကုႝသဇိုင္ဂေကာံမွာဇန္ ေကာန္ဂကူမန္ကီုေရာင္။

ရံင္အာပေရင္ခ်႘ဒရာင္ တၛဲေကာန္ဂကူမန္ အလုံလိုက္မၢး ၐိုန္ရဂပ္ဝ္မိပ္စိုတ္ကုီေလဝ္ ပေရင္ခ်႘ဒရာင္ ပေရင္ဍဳင္ကြာန္ညးတအ္ဂွ္ ဒဿာနဴဒး႐ုန္ဂစာန္ဒဿံင္ကုႝ ပေရင္လိက္ပတ္ေယန္သှာင္ ဘာသာသာသနာဂွ္တုဲ ျဇဟတ္ဍဳိန္လ်ဒဿံင္ဂွ္တုဲ သဿာပေရင္ဍဳင္ကြာန္မန္ ညံင္ရဵကႜဳိပ္သကိုပ္ေဗာ္ဍဳင္မန္တိဿ ကဆံင္သၜဳင္တအ္ ကုႝကၜဳင္ျဇဟတ္ဓ႐ိုဟ္ ႏံြရ။ ပေရင္ခ်႘ဒရာင္ပေရင္ဍဳင္ကြာန္ ပႜဲဍဳင္ပလိုတ္တအ္ဂွ္ ညံင္ဂြံဒွ္ကၜဳင္ ခိုင္င္ကၜဳိက္က္မြဲဂွ္ ညးတအ္ကုႝကၜဳင္ျဇဟတ္ဓ႐ိုဟ္ ႏံြရ။ ပေရင္ကလုတ္တမာန္ဂွ္ ဒွ္အရာပဿိက္ေဇှာ္မြဲ ပႜဲအရာဒက္ပတန္ဍဳင္မန္အနာဂတ္ဂွ္တုဲ ပေရင္ခ်႘ဒရာင္ သြာင္ဏံ စုႝကုႝလဿဳဟ္ ဍဳိန္လ်ဒဿံင္ ဗြဲမေလာန္ရ။ ပေရင္ခ်႘ဒရာင္ သြက္လက္သန္ေကာန္ဂကူဂွ္ ၐိုန္ရဟြံမြဲဟြံတုဲကုီေလဝ္ ပေရင္ဍဳင္ကြာန္မန္ဂွ္ သာတုဲ ပဿိက္ေဇှာ္ဒဿံင္ကုီေရာင္ဂွ္ မန္စိုပ္ဍဳင္ပလိုတ္တအ္ ဂပ္ဝ္ဒးညာတ္ေကတ္ကုီရ။

ပႜဲသဘင္ကှာ ေကၜာံသှာံကေရင္ ပႜဲေဒသဝွတ္ဝိင္၊ ဒှာဲညးစှးမန္တအ္ တိုန္စိုပ္ဗြဲမဂၜဳိင္ဂွ္ ကႜဳိပ္သကိုပ္ကေရင္ ေရာဗာတ္သာန္ ဟုီတြံဓဝ္ပေရင္ဍဳင္ကြာန္ ျပာျပာကတ္တ္ဂွ္တုဲ မှိဟ္မတိုန္စိုပ္ ၐိုတ္လၛီတၜတအ္ ကုႝျဇဟတ္တက္တဲအိုတ္ရ။ ေကာန္ဂကူကေရင္တံ ညံင္ဂြံေလပ္ပညာ၊ ညံင္ဂြံထံက္ပင္ ပေရင္ပၜန္ဂတး ဗၜးၐးဂကူကေရင္ဂွ္ ညးဟုီတြံရ။ ေလပ္ပညာတုဲ ညံင္ဂြံဒွ္ဒတုဲဖုႝ သြက္ဂကူညးတအ္၊ ဂြံၾသန္ဒဝ္လာတုဲ ညံင္ဂြံထံက္ပင္ ပေရင္ဗၜးၐးညးတအ္ဂွ္ ညးဟုီတြံရ။ ပေရင္စန္ဒက္သာ္ဝြံဂွ္ ကႜဳိပ္သကိုပ္ေကာန္ဂကူမန္ ပႜဲဍဳင္မၛးတအ္ (အယာံမာတ္ ပႜဲအေမရိကာန္သဿး ဟြံေသင္) ေကၜာန္သၸကၜဳင္ ဟြံမြဲဒွ္မာန္ရ။ ညးတအ္ကၜဳင္စိုပ္အေမရိကာန္ဂွ္ ကၜဳင္သိုင္ခှံဗဒိုပ္ သြက္ဂကူညးတအ္ သြက္ဗၜးၐးညးတအ္အနာဂတ္ေရာင္ဂွ္ေလဝ္ ဟုီတြံကုီရ။ ယင္ဝြံဂွ္ ဒွ္အစာံခိုဟ္မြဲ သြက္ေကာန္ဂကူမန္ မစိုပ္ဒဿံင္ ပႜဲဍဳင္ပလိုတ္တအ္ကုီ ဍဳင္ဇိုင္ဝုတ္ဒိုဟ္တအ္ကုီရ။ ပေရင္ပၜန္ဂတး ပေရင္ဍဳင္ကြာန္ ဟြံေသင္မၢး ဂကူဂြံဗၜးၐး ဟြံေလာဲေရာင္ဂွ္ အဘိဓဝ္ဏံ ညးမအာကႜဳိပ္ဂေကာံ ပႜဲေဒသရးဍဳင္တအ္ဂွ္တအ္ဂွ္ ဂပ္ဝ္ဒးပဿဝ္လဝ္ ပႜဲဂၜမ္စိုတ္ရ။

မန္စိုပ္ဍဳင္မၛးတအ္ နကုႝဘဝညးဒဵပှာန္ဂွ္ ဟိုတ္နဴဟြံဒးမံင္ သဿဝ္တဲ႐ုင္ကလုတ္ဗဿာဂွ္တုဲ ညးတအ္ဒက္ပတန္ဗဒိုပ္ညးတအ္ မတြံဂး ဘာလက်ာ္မန္မာန္ေရာင္။ စှးဒးမံင္ျပးျပးညးသကအ္ ပႜဲေဒသေတံ ေဒသဏံဂွ္ ညးတအ္ ေထက္ကုႝဒးမံင္ မြဲဂေကာံမြဲကေရာံရ။ ဘာလက်ာ္မန္ပု႙ဂွ္ ဒွ္ဒတန္ေကာန္ဂကူပု႙ဂွ္တုဲ ယဝ္ျဇဟတ္ေကာန္ဂကူေအာန္မၢး ဒက္ပတန္ ဟြံမာန္၊ ဒဿာနဴဒးကုႝငၛဳဟ္ခရိတ္ ဇဿာပ္ပ္ဂိတုတံ ကႜင္ရ။ ယဝ္ရဒးမံင္သဿဝ္႐ုင္ကလုတ္ဗဿာမၢး ဒတန္ေကာန္ဂကူပု႙ေဇှာ္ေဇှာ္ဂွ္ ဒက္ပတန္ ဟြံမာန္။ ဒတန္ေကာန္ဂကူပု႙ ဂြံဒွ္ကၜဳင္ ဂြံေဇှာ္ကၜဳင္ဂွ္ ေကာန္ဂကူမန္တအ္ ဒးမံင္ေကာံေကာံညးသကအ္ရ။ ညံင္ဂြံမံင္ေကာံေကာံကေလာံကေလာံညးသကအ္မာန္ဂွ္ ညးမကႜဳိက္ပ္ဂေကာံတအ္ဂွ္တအ္ဂွ္ ဒးဗိုင္ေကၜာန္ကုီ တြံစန္ဒက္ကုီရ။ မန္စိုပ္ကဿိန္ဍဳင္အေမရိကာန္တအ္ ျပးဇးဒဿံင္ ပႜဲရးေတံရးဏံ ညံင္ရဵႏြံဗြဲမဂၜဳိင္ကုီ ရဲစိုပ္ဍဳင္တှဟ္ဟ္တအ္ေလဝ္ ျပးဒဿံင္ကုီရ။ ဂၜဵျပးကၜကိတ္ကုီေရာင္ဂွ္ လၸဝိုတ္ေကၜံညိ။ ယဝ္ျဇဟတ္ျပးမၢး ေကာန္ငၛာ္တအ္ဂွ္ အေခါင္တိုန္ဘာမန္ဥတုကညင္ ဟြံမြဲဂွ္တုဲ ဍာ္ဇမၜိင္ ဒွ္ဒတုဲဖုႝေကာန္ဂကူ ေအာန္ရ။ ပႜဲကဿိန္ဍဳင္အေမရိကာန္ဂွ္ ေဒသဝွတ္ဝိင္မြဲဓဝ္ေဟင္ ေဗၲာန္ကၜဳင္လိက္မန္ဥတုကညင္ ခိုင္င္ကၜဳိက္က္ႏံြ ဒဿာနဴျဇဟတ္မှိဟ္ဇကုဂၜဳိင္ ဘာလက်ာ္ဇကုခိုင္ရ။ ေကာန္ငၛာ္မန္တအ္ သြက္ဂြံကတ္လၛတ္ လိက္မန္မာန္ဂွ္ မန္စိုပ္ဍဳင္ပလိုတ္တအ္ မံင္ေကာံေကာံကေလာံကေလာံညးသကအ္တုဲ ဒးဒက္ပတန္ပတိုန္ ဗဒိုပ္ဘာလက်ာ္ဇကုဇကုေရာင္။ ယဝ္ရလက်ာ္ဟြံမြဲမၢး ပံက္ပတိုန္ျဇပ္သဘင္ဓဝ္မန္ မာန္ကုီေရာင္။

ညံင္ရဵပု႙ခ်႘ဒရာင္ပေရင္တၛဲေကာန္ဂကူ ကတိုင္ကတိုင္ကမွ္ကမွ္ဂွ္ ပေရင္ဍဳင္ကြာန္ေလဝ္ ပု႙ဒးေကၜာန္ကုီေရာင္။ ပေရင္ဍဳင္ကြာန္မန္ ေကၜာန္ဒဿံင္ပႜဲတၛဲသၛိသဝ္ ကုႝ အဒိုတ္ဂွ္ ဒွ္ကေမၜာန္မေကၜာန္အခိင္သၜးဂွ္တုဲ ကာလေလၧာဝ္ ပေရင္မှိဟ္မြဲမြဲကတုႝဒွ္ကၜဳင္ ပႜဲတၛဲဂွ္မၢး သုီခ်႘ဒရာင္ ဟြံမာန္ပၜန္ရ။ ပေရင္ခ်႘ဒရာင္ ပေရင္ဍဳင္ကြာန္ ပႜဲတၛဲသၜးဂွ္ ဒွ္ကေမၜာန္ ေကၜာန္သၸညံင္ဝါသနာေျပေလဝ္ ဟုီပေတာံမာန္ကုီရ။ ညံင္ဂြံဒက္ပတန္ပတိုန္ ျဇဟတ္ပေရင္ဍဳင္ကြာန္မန္ေဇှာ္ေဇှာ္မြဲဂွ္ ကႜဳိပ္သကိုပ္မန္ စိုပ္ဍဳင္မၛးတအ္ ဒးအခိင္ကာလ ဒးကူခ်ပ္ရေရာင္ဂွ္ မိက္ဂြံဆဝ္ဗၛဳဟ္ဏာရအဵ။ ။