ရဲဒွ္ယဲတိုန္႐ုင္ဂဥဳဲတံ အစာဂဥဳဲဟြံပဂ႐ု

မာံအဲ

အပႜဲဂိတု မာတ္ဏံ ဟုိတ္ႏူဥတုရာသ႘ အသိင္ဂမၲဵဵဂၜဳိင္ေလာန္တဲု ေကာန္ငၛာ္ကီု မှိဟ္ေဇှာ္ေဇှာ္ကီု ကတႝုဒွ္ဒံဿင္ယဲဂှဵအာ ယဲဂမၲဵတိုန္္အိုတ္တဲု အခိင္တိုန္႐ုင္ဂဥဳဲပၜန္ အစာဂဥဳဲတံဟြံသၸဂ႐ုရ။

“အခိင္လဿဳဟ္ မှိဟ္ယဲဂၜဳိင္ေကြံေကြံ၊ ပတုိန္ဏာ႐ုင္ဂဥဳဲပၜန္ေလဝ္ အစာဂဥဳဲတံဟြံပကာ၊ စိုပ္တၛဲကၜာေတွ္ ခိုဟ္ညိ ရံင္ကႝုညိညတဲု တဲၛယးဂွ္ေတွ္ ဂတဵတိုန္ေလဝ္ တိုန္မံင္အာဂွ္ အာေကာ္ေလဝ္ ဟြံကၜဳင္ရံင္ရ၊ ဆဂး ယဝ္ကုႝေထာံလႈဲညိညေတွ္ ေဍံတံရံင္ကႝု၊ လေဆာဝ္ ရဲလႈဲဟြံမြဲတံ ရဲဝါတ္တ္တံ ရဲဒးတိုန္႐ုင္ဂဥဳဲလအ္အ္တံေတွ္ အလႝုဂြံအာေကတ္လႈဲေရာ” ညးမဒွ္အပါေကာန္ငၛာ္ဒးတိုန္လဝ္႐ုင္ဂဥဳဲဍဳင္မတ္မလီုမြဲတၜ ဟီုရ။

ဟိုတ္ႏူကႝု အစာဂဥဳဲတံ ဟြံသၸဂ႐ု ဟြံသၸကာတဲု မှိဟ္လၛဳႝတံ ဒးဒုင္ခ်ဳိတ္ ဒးဒုင္အိုတ္အာလမ်ဳိေလဝ္ႏြံေရာင္ ညးဆက္ဟီုပၜန္ရ။

“အၾကာခ်ဳိတ္က်ဳိင္ဂွ္ အစာဂဥဳဲတံ ဟိုတ္ႏူပေရင္စလာပ္စဇဵႏြံကၜဳင္တဲု ေကာန္အဲမြဲေလဝ္ဒးဒုင္ခ်ဳိတ္အာလဝ္ကုီ ေကာန္အဲဂွ္ ဂတဵတိုန္ဂၜဳိင္ေလာန္တုဲ ဒွ္တိုန္ညံင္ကႝုတိုန္ ဇိုင္တဲတံဂွ္ ကေဝန္ကဝံင္တိုန္ဂွ္ ဟရိပ္ပတိုန္႐ုင္ဂဥဳဲအေမရိကာန္ဍဳင္မတ္မလုီဟဂွ္ရ စုိပ္ေတံတဲု အစာဂဥဳဲေဍံရံင္ ထၸက္ကုႝဂဥဳဲမြဲတှဳင္တုဲဂွ္ သက္ေလဝ္ေဍံတံ ဟြံကေလင္ကၜဳင္ရံင္ ေကာန္ငၛာ္မံင္ပေရံ ၿဂိပ္အာေကာ္ေဍံတံေလဝ္ ကၜဳင္ေက်ာဝ္ေဏာင္ဟီု ဆဂး ဒႝုကႝုေကာန္အဲလမ်ဳိတိတ္ ေဍံတံဟြံကၜဳင္ ေကာန္ငၛာ္ခ်ဳိတ္တဲုမွ ေဍံတံဂြံစုိပ္ကၜဳင္” သာ္ဝြံ မိမေကာန္ငၛာ္ညးမဒးဒုင္ခ်ဳိတ္လဝ္မြဲတၜ ဟီုရ။

အပႜဲအခိင္ကာလကညင္ ဟိုတ္ႏူဥတုရာသ႘ကတဵကီု ဟိုတ္ႏူစစှ၊ ဍာ္သုင္တံဟြံသအးဇၛးကီုတဲု အလံုဍဳင္မန္မြဲ ေကာန္ငၛာ္တံ ကတႝုဒွ္ဒဿံင္ယဲဂှဵအာ ယဲကတဵတိုန္ေကြံေကြံတဲု လၲဴ႐ုင္ဂဥဳဲပၜန္ေလဝ္ ဒႝုကႝုဒှာဲဒဿံင္ဟြံမြဲ ကတႝုဒွ္ဒဿံင္ရ။

ဗြဲေတဿင္ လၸာ္သကုတ္ေဒသပြဳိင္ဍဳင္မုဟ္ဍဳင္ ပြဳိင္ဍဳင္ေရဝ္ ပြိဳင္ဍဳင္ျဇပ္ဗု ပြဳိင္ဍဳင္မတ္မလီုတံကတႝုဒွ္ယဲဂှဲဂၜဳိင္ဒဿံင္ေရာင္ ဂြံတီေကတ္ရ။

“မှိဟ္လၛဳႝဒွ္တံဂွ္ ဟိုတ္ႏူဟြံတီ ဟြံကၜိဳဟ္ခၜင္ကီုတဲုေတွ္ေလဝ္ ေကာန္ငၛာ္တံ ကတႝုဒွ္ယဲ၊ ဒွ္ယဲတဲုပၜန္ ဗီုလႝုဂြံဝ႘အာ ဗီုလႝု ဂြံရံင္စံင္အာ ဟြံတီ ဟြံကၜဳိဟ္ဂွ္ရ ႏူယဲေအာန္န္ ယဲဂွ္ဂၜဳိင္တိုန္ လၛဳႝေကတ္ဟြံမာန္တဲုမွ လိုက္အာ႐ုင္ဂဥဳဲ ႐ုင္ဂဥဳဲေလဝ္ေကတ္ဟြံမာန္ ဒႝုကႝုလမ်ဳီအိုတ္ဒးဒွ္ကၜဳင္ေလဝ္ႏြံ” သာ္ဝြံ အစာဂဥဳဲေၾတံမြဲတၜ ဟီုရ။

ပေရင္စသုင္မံင္စံင္တံဂွ္ ဒွ္အဓိကစုႝဒှာပေရင္ထတ္ယုက္ သြက္မှိဟ္တံတဿာဂလုိင္ေရာင္ ဆဂး ပေရင္ထိင္ဒဝ္ ပေရင္ကုႝပညာစပ္ကႝုယဲတံေလဝ္ကိစၥေဇှာ္ဒဿံင္တဿာဂလုိင္၊ အစာဂဥဳဲတံေလဝ္ ပြမရံင္စံင္ မှိဟ္ယဲဂွ္ ဒွ္အဓိကေရာင္ဂွ္ ညးဆက္ဟီုပၜန္ရ။