အလုႝအသ႘အေမရိကာန္ ေကတ္လညာတ္ ေကာန္ဍဳင္ဗဿာ စပ္ကုႝပဝ္လျဇ႘ညးတံ ပႜဲဍဳင္ဗဿာ

ဒုႝဗ်ဳ

ဝွတ္ဝုင္၊ အေမရိကာန္

နာဲခိက္ လုတ္သ္ မဒွ္ညးစှး ဒဒက္တဵကုႝအမာတ္သ႘နိက္ ေရတ္ခ်ာတ္ လူကာဂွ္ ေကာ္ဆုႝဂဗကုႝ ကုေကာန္ဍဳင္ဗဿာဂမၜဳိင္ မပဒတဵဒဿံင္ ပဲႜဍဳင္ဝွတ္ဝုင္၊ ရးေအန္ဒ႘ယ်ာဏာ ပႜဲတိုက္ရံင္လိက္ေဇှာ္ ေလၵါဝ္ဍဳင္ ပႜဲတၛဲအဒိုတ္တုဲကၜဳင္ဏံဂွ္တုဲ ေဗာ္သြးေကာန္ဂကူမန္ မပါလုပ္ သုီခမ႘သင္မန္ဂမၜဳိင္ ဗှတ္ၐိုတ္ၾတဵတၜ တိုန္စိုပ္ကုႝကသပ္ကုီ သုီဇိုန္ဏွင္ကုႝလိက္တှး မခ်ဴလဝ္ စပ္ကုႝလညာတ္ ေကာန္ဂကူမန္ ပႜဲဍဳင္ဂွ္ကုီရ။

စပ္ကုႝပေရင္ျပံင္လွာဲပဝ္လျဇ႘ အလုႝအသ႘အေမရိကာန္ဂွ္တုဲ သာ္လုႝလညာတ္ေကာန္ဍဳင္ဗဿာတံ ႏံြေရာ သဿိက္ဂြံတီတုဲ ညးတံကၜဳင္ေကတ္လညာတ္ဂွ္၊ ေကာန္ဍဳင္ဗဿာ သုီေကာန္ဍဳင္အရင္နာနာ ဗြဲမဂၜဳိင္ တိုန္စိုပ္ ေကာံဓ႐ုီဂွ္တုဲ ကုႝလညာတ္နာနာသာ္ရ။

ပႜဲဂွ္ ညံင္အလုႝအသ႘အေမရိကာန္ ဂြံကုႝျဇဟတ္ဓ႐ုိဟ္ ကုကံင္သ႘ဂုီကၜဳီကုလသမဂၢ တှဟ္နဂြံပတိုန္ဂဗုတ္ ကုအလုႝအသ႘ပှာန္ ပႜဲအရာမကလိေလာန္ ေကၜာန္သၸလဝ္ ပေရင္ဒုဟ္ဒန္ဓဇန္ၾကာန္ လတူမွာဇန္ ေကာန္ညးဍဳင္ကြာန္ဂမၜဳိင္ကုီ၊ ညံင္ဂြံဆက္ကဿာတ္လဒုႝအာ ပေရင္ပိုန္ျဂပ္ပၜန္ကုီ ဟုီကုႝကသပ္အိုတ္ရ။

အလုႝအသ႘အေမရိကာန္ ျပံင္လွာဲနဲကဲ နဴကုႝကဿာတ္လဒုႝ ပေရင္ပိုန္ျဂပ္ဂွ္ သၸေကၜံနဲကဲတရပ္လုပ္သ႘ကၜ႘ တက္က်ာ ပႜဲဂိတုသာပ္ေတမ္ပါသှာံအာဏံ၊ ဆဂး နဲကဲဆိုက္ဗဒဝြံေလဝ္ ဟြံအံင္ဇှးေရာင္ဂွ္ ညးတံဟုီ ဒုင္ဝန္အိုတ္ကုီရ။ ၐိုန္ဒွ္သာ္ဂွ္ကုီေလဝ္ ညးတံဆက္တုဲ စကာရပ္စပ္အာဒဿဿံင္ နဲကဲဏံဖိုဟ္ဏီရ။

ဒံက္တာ ကာတ္ ခါမ္ဗာ ညးမဒွ္လေစွ္ေကင္ကာဍဳင္သအာင္ အေမရိကာန္ စပ္ကုႝေကင္ကာကိစၥ ဗဿံက္ အာယွကုႝဖေသတ္ေဝွတ္ (US Assistant Secretary of State for East Asian and Pacific Affairs) အာစိုပ္ဍဳင္ဗဿာတုဲ ၐိုန္ရဆုႝဂဗကုႝ အလုႝအသ႘ဗဿာကုီေလဝ္ စပ္ကုႝပေရင္ကေမၜာန္ညးဂွ္ မြဲသာ္ကုီ ဟြံအံင္ဇှးေဇှာ္ေဇှာ္ရ။ ညးဝြံ ဒွ္သဿိင္အေမရိကာန္ ကဆံင္သၜဳင္အိုတ္ မအာစိုပ္ဍဳင္ဗဿာ ပႜဲလလအ္ပြဳိင္စွ္ပန္သှာံ တုဲကၜဳင္ဝြံေရာင္။

ၐိုန္ရေကာန္ဍဳင္ဗဿာ ဗြဲမဂၜဳိင္တံ ဟုီထံက္ဂလာန္ စပ္ကုႝပေရင္ကဿာတ္လဒုႝ ထပိုတ္အဆက္ပေရင္ပိုန္ျဂပ္ ကုဍဳင္ဗဿာကုီေလဝ္ လညာတ္ေကာန္ဂကူမန္ မပတိုန္ထၞးလဝ္တံဂွ္ ထပိုတ္အဆက္ကုီ သ႘ကၜ႘တက္က်ာ ဗြဲတိုက္႐ုိက္ကုီဂွ္ ဂုန္ဖုႝခိုဟ္ဟ္ဟဿဲ ဟြံစိုပ္တရဵေရာင္။

အလုႝအသ႘ဗဿာ ကလိဂြံလဝ္အ႐ုီအဗင္ ထံက္ပင္နဴကုႝၾကဳက္ကုီ၊ ရယွာကုီ ၊ ေအန္ဒ႘ယ်ကုီ၊ ဂေကာံဍဳင္အာယွဒိုဟ္အဂှဲကုီဂွ္တုဲ ကိစၥေကင္ကာ ထပိုတ္အဆက္ အေမရိကာန္ကုႝ ယူေရာပ္ေဟင္ဂွ္ ဟြံ႐ုမ္ဂပ္၊ ကဆံင္ ဍဳင္နာနာ အလုံဂၜးတိမြဲေရာင္ ဍဳိက္ေပင္စိုပ္တရဵမာန္ေရာင္ဂွ္ လိက္တှးမဗဂိန္ဒုင္ကုႝ ကုနာဲလုတ္ နကုႝစဿတ္တၛဲ ေအဗရာ ၂၅ ဂွ္ ဟုီဗံဿက္လဝ္ရ၊။

“မြဲလပၚဂွ္ အလုႝအသ႘ဗဿာ ဂြံလဝ္လြဟ္ဂတာပ္ေခတ္ နဴဍဳင္ၾကဳက္ကုႝ ရယွာတုဲ စိုတ္ဓါတ္ကတိုင္ကမွ္ဒဿံင္၊ မြဲလပၚပၜန္ဂွ္ ပၜန္ဂတးေကာန္ဍဳင္အရင္တံဂ္ွ ၐိုန္ရဒွ္ဂေကာံထံက္ဂလာန္ အလုႝအသ႘အေမရိကာန္ကုီေလဝ္ အလုႝအသ႘အေမရိကာန္ စဿတ္သမၲီလဝ္ ဂေကာံတံဂွ္ နဒဒွ္ဂေကာံပလုီပလာ္ ပကုီပရာပ္ ပႜဲကေရာံအိုဝ္သမာေဗန္လာေဒန္ဂွ္ သကုႝစိုတ္ဓါတ္ေကာန္ဍဳင္အရင္မရပ္လြဟ္တံ ဂြံဍဳိန္လ်ရ။”

အရာဝြံ တုပ္သဿဟ္ကုႝ အေမရိကာန္ ဟဿဲပဿိက္ကုႝ ဂေကာံရပ္လြဟ္ ဒစုႝဒစးကုႝ အလုႝအသ႘ပှာန္နအဖေရာင္ဂွ္ လိက္ဂွ္ဟုီပၚပါဲလဝ္ရ။

“ေဗာ္ဍဳင္မန္တိဿဂွ္ နကုႝလညာတ္ေကာန္ဂကူမန္ဂမၜဳိင္မဂၜဳိင္မၢး ဒွ္ေဗာ္လုပ္ေပဲါဗတိုက္ သြက္ဗၜးၐးေကာန္ဂကူမန္၊ ဒွ္ေဗာ္လုပ္ေပါဲဗတိုက္ သြက္အေခါင္အရာအုပ္ဓုပ္ပကင္ရင္အလုႝဇကုဂွ္တုဲ ဒွ္ေဗာ္ပကုီပရာပ္ပလုီပလာ္မြဲ ဟြံေသင္ရ။ အ႐ုီအဗင္ ေကာန္ဂကူမန္တံဂွ္ ေဍံထံက္ပခိုင္ကုႝ ညံင္ေဗာ္ဍဳင္မန္တိဿ ဂြံဂ်ဳိင္တန္တဵ ဆက္လုပ္အာ ေပဲါဗတိုက္ရပ္လြဟ္ မလအ္ကၜဳင္ ဗှတ္မသုန္ေစွ္ာသှာံဂွ္ေရာင္။” သာ္ဝြံ လိက္ဂွ္ခ်ဴဗဿံက္လဝ္ရ။

ပဝ္လျဇ႘အလုႝအသ႘အေမရိကာန္ဂွ္ သုီဗဒ္ွကုႝအႏၲရာဲ ကုညးဒဒိုက္ဒဵပှာန္ မဒွ္ညးမေကင္ေရင္တၜဳင္ကၜဳင္လဝ္ ပႜဲေဗာ္ေကာန္ဂကူ မရပ္လြဟ္တံဂွ္တုဲ၊ ညးတံဂွ္ ေခတၲအေဃာစိုပ္ဒဿံင္ ဍဳင္ဒုတိယဂမၜဳိင္ကုီ ကဿိန္ဍဳင္အေမရိကာန္တုဲတုဲဂမၜဳိင္ကီုေရာင္ဂွ္ လိက္ဂွ္ ထံက္ထၞးလဝ္ရ။

“ေကာန္ဍဳင္ဗဿာ မစိုပ္ကဿိန္ဍဳင္အေမရိကာန္တံ ဗြဲမဂၜဳိင္ ဒးဒုင္ပဲါတးလဝ္ နဴဒဒွ္ေကာန္ဍဳင္အေမရိကာန္ နပြမထၞးဟိုတ္ ညးတအ္ဂွ္ ႏံြကုႝေဒၢတ္ပဋိပတ္ပေရံ poor moral character ရ။”

ဟိုတ္နဴညးတံ ေကင္ဒွ္လဝ္ ေကာန္ေဗာ္ပၜန္ဂတး ပေရင္ဍဳင္ကြာန္ေကာန္ဂကူတံဂွ္တုဲ ဒးဒုင္ပတိုန္ဒုဟ္ သာ္ဂွ္တုဲ ဒးဒုင္ပဲါတးလဝ္ နဴဂြံဒွ္ေကာန္ဍဳင္ရ။ လညာတ္ပု႙ဂွ္တုန္၊ ပဝ္လျဇ႘ကဿိန္အေမရိကာန္သာ္ဝြံဂွ္ ဂပ္ဝ္ဒးကေလင္သၛ႘ဂၜိပ္ ဗစာရဏာစင္ျခင္ေရာင္ဂွ္ လိက္ဂွ္ ဗတိုက္ဖေအာဝ္လဝ္ရ။

ေဗာ္ရပ္လြဟ္ေကာန္ဂကူတံဂမၜဳိင္ကုီ၊ ေဗာ္အံင္သာန္သုက်႘ ေကာ္ ေအန္ေအဝ္ဒ႘ကုီ ရန္တဿံတုပ္သဿဟ္ဒဿံင္ေရာင္ဂွ္ လိက္ဂွ္ သ႐ုပ္ဟုီထံက္ထၞးလဝ္ရ။