ေဗာ္ဍဳင္မန္တဿိ တးပါဲသြက္ဂြံသၸပှာန္မင္ကြာန္

ေလာဲထဝ္၊ ႒ာန္ပ႐ိုင္ဗၜးၐးမန္

ဒပ္ပှာန္ဍဳင္မန္ မှဳံယဿဳ ဒပ္ပှာန္ဗၜးၐးေကာန္ဂကူမန္ ဟြံဒုင္သၸပှာန္မင္ကြာန္အလုႝအသ႘ပုဟ္ေရာင္ သာ္ဝြံ ေဗာ္ဍဳင္မန္တဿိ လေလာင္ၾတးဏာ ပႜဲေပါဲေသာင္ကလးပ႐ိုင္ ေအဗေရဝ္ ၂၃ ဂွ္ရ။

တၛဲေအဗေရဝ္ ၂၂ ဂွ္ နာဲေတန္လွကႜိဳက္ပ္တုဲ ညးစှးေဗာ္ဍဳင္မန္တဿိတံ အာကေလင္ပ႐ိုင္ကုဒုသၠိဳပ္ဒိုဟ္ရးအဂှဲ သၠိဳပ္ဗိုလ္ေဇှာ္ ေယ်ဝ္ေမ်အ္ ဒဒွ္ရ ညးတံ ဟြံဒုင္သၸပှာန္မင္ကြာန္ရ။ ဆဂး ႏူကုႝအလုႝအသ႘ဗုီလုႝကေလင္ဟုီနင္ဂွ္ မင္ကဠင္မံင္ပ႐ိုင္ ႏူမှိဟ္စှးတံဖိုဟ္ေရာင္ သာ္ဝြံ ညးမှဳံအေခါင္ဟုီဂးေဗာ္ဍဳင္မန္တဿိ နာဲဆုႝမန္ ဟုီရ။

“ဒပ္ပှာန္ဍဳင္မန္မြဲ ဗုီလုႝဂြံဒုင္သၸပှာန္မင္ကြာန္ေထက္ေရာ၊ ညးမြဲေလဝ္ ဒုင္သၸမာန္ဟြံေသင္” သာ္ဝြံ ကႜိဳပ္သၠိဳပ္ေဗာ္ဒ႘မဝ္ကေရျဇ႘အလုံရးမန္မြဲတၜ ေကင္ဟုီလဝ္ျခာဟြံလအ္ဏအ္ႏြံရ။

ပႜဲေအဗေရဝ္ ၇ ဂွ္ ႏူကုႝ ဒုသၠိဳပ္ဗိုလ္ေဇှာ္ ေယ်ဝ္ေမ်အ္ကုႝ ကႜိဳပ္သၠိဳပ္ေဗာ္တံ ဆုႝဂဗလဝ္ညးသၠအ္တုဲ ေယ်ဝ္ေမ်အ္အာတ္လဝ္ေဗာ္ဍဳင္မန္တဿိ ညံင္ဂြံကုႝပ႐ိုင္ပႜဲေအဗေရဝ္ ၂၂ လတူဒုင္တဲသၸပှာန္မင္ကြာန္မာန္ ဟြံမာန္ဂွ္ရ။

“နကုႝေဗာ္ဍဳင္မန္တဿိဂွ္ ၐိုတ္ထိင္မာန္ ဆက္ထိင္အာတင္တုပ္စိုတ္ေဒံါပန္ေပွာ္ ကုအလုႝအသ႘ပှာန္ေရာင္။ လတူသၢဳတ္သြာတ္ ဟြံဒုင္တဲသၸပှာန္မင္ကြာန္ဂွ္ေလဝ္ ကႜိဳပ္သၠိဳပ္ေဗာ္တံ ကေလင္သၛ႘ဂၜိပ္သ႘ကၜ႘လဝ္ ပႜဲေကာံဓ႐ုီကာေတဿင္ေဗာ္ ေအဗေရဝ္ ၂၁ ဂွ္ ဗြဲမျဇိဳဟ္နက္တုဲ ကႜိဳပ္သၠိဳပ္တံသုီဖအိုတ္ တုပ္စိုတ္သၢဳတ္သြာတ္ဏာေရာင္” ရဵဝြံ ညးမှဳံအေခါင္ဟုီဂးေဗာ္ဍဳင္မန္တဿိ နာဲဆုႝမန္ ဟုီဏာ ပႜဲေပါဲေသာင္ကလးပ႐ိုင္ရ။

ကႜိဳပ္သၠိဳပ္လၛဳႝတံ မပၲံ ေကင္ကာ နာဲဆာန္တိ ေကုာံ ေကာန္ေဗာ္လၛဳႝတှဟ္ဟ္တံဂွ္ ၐိုန္ရ ဟြံဒစုႝဒစးသၢဳတ္သြာတ္ေဗာ္ တးပါဲသၸပှာန္မင္ကြာန္ကုီေလဝ္ ညးတံ သြက္ဂြံေဒံါဇူအာႏူေဗာ္ဍဳင္မန္တဿိႏြံေရာင္ဂွ္ ပ႐ိုင္ၾကပ္ကုႝေဗာ္ဍဳင္မန္တဿိတံ ဟုီတဵအိုတ္ရ။ ႏူကုႝေဗာ္ဍဳင္မန္တဿိဂွ္ စပ္ကုႝပ႐ိုင္ဝြံတုဲ ဟြံဂြံသၸဒတန္ဏီရ။

နကုႝေဗာ္ဍဳင္မန္တဿိဂွ္ လတူလညာတ္ ပႜဲကုႝဍဳင္ဗဿာ ဒပ္ပှာန္မြဲဒပ္ေဟင္ ဒးႏြံေထက္ဂွ္ ဒုင္တဲမာန္ကုီေလဝ္ အခိင္အကာဲအရာပေရင္ဍဳင္ကြာန္တၛဲဏံ သြက္ဂြံ႐ုပ္ေကၜံဒပ္ပှာန္ဗၜးၐးေကာန္ဂကူမန္ဂွ္ ဒုင္တဲဟြံမာန္ေရာင္ သာ္ဝြံ နာဲဆုႝမန္ ဆက္ဟုီလဝ္ရ။

ဒပ္ရပ္လြဟ္ေကာန္ဍဳင္အရင္တံဖအိုတ္ဂွ္ ေထက္ကုႝဒးမံင္သဿဝ္အုပ္ဓုပ္အလုႝအသ႘တြဳႝရးညး ကုညးေရာင္ နကုႝေဗာ္ဍဳင္မန္တဿိ ညာတ္ေကတ္သာ္ဝြံတုဲ လတူလညာတ္ဂွ္ေလဝ္ ယဝ္ရအလုႝအသ႘ဒုင္တဲမၢး ေဗာ္ဍဳင္မန္တဿိ ဒုင္တၜဳင္ဗြဲမျဇိဳဟ္နက္ေရာင္ဂွ္ ညးတံအာတ္မိက္ပတိုန္ထၞးလဝ္ကုအလုႝအသ႘ရ။ တုဲပၜန္ ပေရင္တဵတက္ၐိုဟ္လလမ္ေကာန္ဂကူေကာန္ဍဳင္အရင္ေကာန္ညးဍဳင္ကြာန္တံဂွ္ တန္တဵမံင္လတူကႜိဳပ္သၠိဳပ္အလုႝအသ႘ပှာန္တံတုဲ နကုႝေဗာ္ဍဳင္မန္တဿိဂွ္ မိက္ဂြံဒက္ပၲန္ပေရင္ကေလင္ဆာန္ကဿိန္ေရင္သၠအ္ အၾကာအလုႝအသ႘ပှာန္ကုႝ ေကာန္ဂကူေကာန္ဍဳင္အရင္တံတုဲ မိက္ဂြံေသာင္ကလးပေရင္ဍဳင္ကြာန္၊ မိက္ဂြံကုႝကႜိဳပ္သၠိဳပ္အလုႝအသ႘ပှာန္တံ ကေလင္ခ်ပ္ဗၥာဗြဲျဇဳိဟ္နက္ေရာင္ဂွ္ ႏူကုႝႝေဗာ္ဍဳင္မန္တဿိ ဆက္ဗတိုက္ဖေအာဝ္လဝ္ ကႜိဳပ္သၠိဳပ္အလုႝအသ႘ပှာန္တံရ။

ေဗာ္ဍဳင္မန္တဿိဝြံ ရန္တဿံသြက္ဂြံေသာင္ကလးပ႐ိုင္ဍဳင္ကြာန္ ကုအလုႝအသ႘ဒဝ္မဝ္ကေရျဇ႘တိုန္တဿိတုဲ ေဒံါလဝ္ပန္ေပွာ္ကုအလုႝအသ႘ပှာန္ ပႜဲသှာံ ၁၉၉၅ ရ။